පාස්කු ප්‍රහාරයෙන් මියගිය මිනිස්සුන්ට යුක්තිය ඉටු කරනවා කිව්වට එහෙම බවක් පේන්නැ – පාඨලීගෙන් ආණ්ඩුවට චෝදනා!

අනුර කුමාර දිසානායක ජනාධිපතිවරයාගේ පත්වීමත් සමඟ පාස්කු විමර්ශන වඩාත් අපක්ෂපාතීව කරනු ඇතැයි බලාපොරොත්තු වුවද, වත්මන් ආණ්ඩුවටද මෙම ප්‍රශ්නය නිවැරදිව විසඳිය නොහැකි බව එක්සත් ජනරජ පෙරමුණේ නායක පාඨලී චම්පික රණවක පවසයි.

ඔහු මේ බව සඳහන් කලේ, අද කොළඹ පැවති මාධ්‍ය හමුවක් අමතමිනි.

අප්‍රේල් 21 වැනිදා පාස්කු මහමොළකරුවන් හෙළි කරන බවට ජනාධිපතිවරයා දුන් පොරොන්දුව ඉටු නොවූයේ වත්මන් ආණ්ඩුවද මෙම ක්‍රියාවලියට අඩු වැඩි වශයෙන් සම්බන්ධ වී සිටින බැවින් යැයිද පාඨලි චම්පික රණවක පවසයි.

ඔහු එහිදී කියා සිටියේ, ගෝඨාභය රාජපක්ෂට පරීක්ෂණ නිසි අකාරයට කළ නොහැකි වූයේ බලයේ සිටි ඇතැම් පුද්ගලයින් සහ රාජපක්ෂවරුන් අතර අදාල සිද්ධියට පැවති සම්බන්ධතා හේතුවෙන් බවයි.

එහිදී ඔහු වැඩිදුරටත් සඳහන් කළේ,

අපරාධකරුවන් කවර තරාතිරමක අය වුණත් ඔවුන්ට නීතිය ක්‍රියාත්මක කරලා මියගිය පිරිස් වලට යුක්තිය ඉටු කරනවා කියන අදහසින් තමයි අනුර ආවේ.
නමුත් එවැනි දෙයක් වෙන ආකාරයක් පේන්න නැහැ”