සිරි දළඳා දැක්මට සහභාගී වන දහස්ගණනන් ජනතාව පෝළිමේ සිටියදී, දළඳා දැක්ම ආරම්භ වන මොහොතේ විශේෂ පෝළිමකින් දිනකට දෙදහසකට වැඩි පිරිසක් දළඳා වන්දනාවට සහභාගී කරගන්නා බව whatnews වෙබ් අඩවිය වාර්තා කරයි.
මෙය වත්මන් රජයේ මැදිහත්වීමෙන් සිදු කරන්නක් නොවන බවත්, වත්මන් දියවඩන නිලමේ නිලංග දෑල බණ්ඩාර ඇතුළු පිරිසකගේ මැදිහත්වීමෙන් දළඳා මාළිගාවේ පාලනාධිකාරිය විසින් සිදු කරන්නක් බවයි තොරතුරු වාර්තා වන්නේ.
පසුගිය 18 වැනිදා දළඳා වන්දනාව ආරම්භ වූ දිනයේ ජනාධිපතිවරයා විසින් දහවල් 12.30ට නිල වශයෙන් දළඳා දැක්ම ආරම්භ කරන අවස්ථාවට සහභාගී වූ අතර එම අවස්තාවේ දි ද ජනාධිපතිවරයාගේ දැනුවත්වීමකින් තොරව විශාල පිරිසක් පෝළිම්වල සකස් කොට දහවල් 3.30ට නිල දළඳා දැක්ම ආරම්භ වීමට පෙර ඔවුන්ට දළඳා වන්දනාවට අවස්ථාව ලබා දී තිබෙන බවයි පැවසේ.
මේ ලෙස සෑම දිනකම දහවල් 12.30ට නිල දැක්ම ආරම්භ වීමට පෙර පෝලිම් සකසා විශේෂිත පුද්ගලයන්ට දළඳා වන්දනාවට අවස්ථාව ලබා දී ඇති බවයි තොරතුරු වාර්තා වන්නේ.
මෙලෙස පැමිණෙන පුද්ගලයන් අතර රාජ්‍ය නිලධාරීන්, හමුදා සහ පොලිස් නිලධාරීන්, දේශපාලනඥයන් සහ වෙනත් බලවත් පුද්ගලයන් සිටින බවත් එම පුද්ගලයන්ගේ ඥාතීන් සහ පවුල්වල සාමාජිකයන්ද සිටින බවත් වාර්තා වේ.
මේ පිළිබඳ මහනුවර ප්‍රදේශයේ මාධ්‍යවේදියෙකු පවසා තිබුණේ,
උදෑසන 11.30ට විෂ්ණු දේවාලයේ සිට ඇත්ගාල අසලින් ජාත්‍යන්තර කෞතුකාගාරය අසලින් මගුල් මඩුව අසල පිවිසුම් දොරින් නව බුදුමැදුර අසලට පැමිණෙනවා. එතැනින් ඇතුළු වී දළඳා වන්දනාව සිදු කරනවා. දිනකට දෙදහසක පමණ පිරිසකට මෙලෙස අවස්ථාව ලබා දෙනවා. අප දකින ආකාරයට මේ වෙද්දී මහනුවර දළඳා මාළිගයේ දියවඩන නිලමේ තනතුර සඳහා නිලවරණය වෙනුවෙන් මෙම අවස්ථාව අවභාවිත කිරිමට වත්මන් දියවඩන නිලමේවරයා කටයුතු කරනවා. සැප්තැම්බර් මාසයේදී පැවැත්වෙන නිලවරණයට ඡන්දය භාවිත කිරීමට නියමිත ප්‍රාදේශීය ලේකම්වරුන්ගේ පවුල්වල සාමාජිකයන් රැසක් මේ ක්‍රමයට දළඳා වන්දනා කර තිබෙනවා. පිටතින් එන අයව, එළියේ සිටින ජනතාව ඇතුළට පැමිණෙන මොහොතේ ඒ පෝළිමටම සම්බන්ධ කරනවා. මිනිස්සුන්ගේ පෝළීමට බාධාවක් වූ බවක් නොපෙනෙන විදියට. බොහෝ වෙලාවක් පිටත සිට එක්වර ඇතුළට පැමිණෙන ජනතාව භක්තිය නිසාම මේක අවබෝධ කරගන්නේත් නෑ.”
මෙම තත්වය පිළිබඳ වහා සොයා බලන බවත්, විශේෂිත පෝළිම් හෝ විශේෂිත අවස්ථා ලබා නොදිය යුතු බව ආණ්ඩුවේ දැඩි විශ්වාසයක් බව මෙම සිදුවිම සම්බන්ධයෙන් ආණ්ඩුවේ ප්‍රකාශකයෙකු පවසා ඇති බවත් වාර්තා වේ.
දළඳා වන්දනාවට පැමිණෙන බැතිමතුන් පැය 12- 20 අතර කාලසීමාවක් පෝලිමේ සිටින බවට වාර්තා වේ.
ගල්ගමුව ප්‍රදේශයේ තවත් දළ ඇතෙක් අභිරහස් ලෙස මියගොස් ඇති බව වාර්තා වේ. ඇහැටුවැව මුදියන්නෑගම ගාලයාය…
2022 වසරේ මැයි මස 09 වනදා ගාලුමුවදොර "ගෝඨා ගෝ ගම" අරගලයට පහර දීමේ සිද්ධියේ සැකකරුවකු…
මාසයකට පමණ පෙර මියගොස් ඇති බවට සැක කෙරෙන අලි දෙදෙනෙකුගේ සහ ඇතෙකුගේ මළ සිරුරු දඹුල්ල…
ජනාධිපති අනුර කුමාර දිසානායක විසින් ශ්‍රේෂ්ඨාධිකරණ විනිසුරු ප්‍රීති පද්මන් සූරසේන ශ්‍රී ලංකාවේ ඊළඟ අගවිනිසුරුවරයා ලෙස…
පානදුර පොලිස් වසමේදී පුද්ගලයෙකු වෙඩිතබා ඝාතනය කිරීමට තැත් කිරීමේ සිද්ධියකට පොලීසියට අවශ්‍යව සිටි පුද්ගලයෙකු අද…