ඩෑන් ප්‍රියසාද් වෙඩිතබා මරාදැමීමේ සිද්ධිය සම්බන්ධයෙන් අත්අඩංගුවට ගෙන අධිකරණයට ඉදිරිපත් කළ ප්‍රධාන සැකකරු බව කියන පුද්ගලයා ලබන 30 වනදා දක්වා රඳවාගෙන ප්‍රශ්න කිරීමට කොළඹ මහෙස්ත්‍රාත් අධිකරණය අද (25) අවසර ලබා දී ඇත.
මිරිහාන විශේෂ විමර්ශන ඒකකය මඟින් මෙම සැකකරු කොළඹ අතිරේක මහෙස්ත්‍රාත් හර්ෂණ කැකුණවල හමුවට ඉදිරිපත් කර ඇත.
මෙහිදී පොලීසිය මහෙස්ත්‍රාත්වරයාට දැනුම් දුන්නේ අයිස් මත්ද්‍රව්‍ය ළඟ තබාගැනීම සම්බන්ධයෙන් මෙම සැකකරු පිළිබඳව විමර්ශන සිදුකරන බවත් සැකකරු රඳවාගෙන ප්‍රශ්න කිරීමට අවසර දෙන ලෙසත් පොලීසිය අධිකරණයට දැනුම් දුන්නේය.
සැකකරු වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් මෙම විමර්ශනයට අදාළව පොලීසිය විසින් අනාවරණය කර ගන්නා තොරතුරු මාධ්‍ය ඔස්සේ ප්‍රචාරය වීම බරපතළ ගැටලුකාරී තත්ත්වයක් බව පෙන්වා දුන්නේය.
විමර්ශන තොරතුරු මාධ්‍යවලින් ප්‍රචාරය වීම තුළින් නියම සැකකරුවන් නීතියේ රැහැනින් බේරී යනු ඇතැයි සඳහන් කළ නීතිඥවරයා එවැනි තත්ත්වයක් ඇති වූවොත් මෙම අපරාධයට සම්බන්ධ සැබෑ සැකකරුවන් අත්අඩංගුවට ගැනීමට නොහැකි වනු ඇති බවත් පැවසුවේය.
මෙම සැකකරු මෙම අපරාධයට සම්බන්ධ ප්‍රධාන සැකකරු බව ප්‍රකාශ කළත් ඔහු මෙම අපරාධයට සම්බන්ධ නොමැති බවත් නීතීඥවරයා සඳහන් කළේය.
ඉන් අනතුරුව මෙම නියෝගය නිකුත් කෙරුණි.
සැලසුම් කළ පරිදි 'සිරි දළදා වන්දනාව' එළැඹෙන අප්‍රේල් 27 වනදා දිනෙන් අවසන් කිරීමට තීරණය කළ…
වැඩතහනමකට ලක්ව සිටින පොලිස්පති දේශබන්දු තෙන්නකෝන්ට අධිකරණයට අපහාස කිරිම සම්බන්ධයෙනන් තවත් පැමිණිල්ලක් අපරාධ පරීක්ෂණ දෙපාර්තමේන්තුව…
පුද්ගලයන් 26 දෙනෙකුගේ ජීවිත අහිමි කරමින් ඉන්දියාවට අයත් ජම්බු කාශ්මීරයේ පහල්ගම්හි පසුගිය දා සිදු වූ…
කාලගුණ විද්‍යා දෙපාර්තමේන්තුව විසින් ප්‍රබල අකුණු පිළිබඳව අවවාදාත්මක නිවේදනයක් නිකුත් කර ඇත. ඒ අනුව, නැගෙනහිර,…
ශ්‍රී ලංකා දුත පිරිසක් වොෂින්ටන් ඩීසීහි (Washington, D.C) එක්සත් ජනපද වෙළෙඳ නියෝජිත කාර්යාලයේදී පසුගිය අප්‍රේල්…
එක කුස උපන් තම සහෝදරිය ගෙල බැඳි රන් මාලය සහ පෙන්ඩනය කොල්ලකා පසුව ගෙල මිරිකා…