හිටපු ජනපති රනිල් වික්‍රමසිංහට අල්ලස් කොමිසමෙන් කැඳවීමක් ලැබුණු බව ජනාධිපතිවරයා දැනගන්නට ඇත්තේ රනිල් වික්‍රමසිංහගේ සමාජ මාධ්‍ය ගිණුම්වලින් විය හැකි යැයි කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස පවසයි.
තමාට අල්ලස් කොමිසමෙන් කැඳවීමක් ලැබුණු බව රනිල් වික්‍රමසිංගේ සමාජ මාධ්‍ය ගිණුම්වල අප්‍රේල් 11 වන දා රාත්‍රියේ සඳහන් කර තිබුණේ යැයිද එය රහසිගත තොරතුරක් නොවන්නේ යැයිද අමාත්‍යවරයා එහිදී අවධාරණය කළේ ය.
නලින්ද ජයතිස්ස අමාත්‍යවරයා මේ බව පැවසුවේ අල්ලස් කොමිසම තමාට කැඳවීමක් කළ බව ජනාධිපතිවරයා දැනගන්නේ කෙසේදැයි රනිල් වික්‍රමසිංහ පෙරේදා(28) කළ චෝදනාව ගැන කැබිනට් මාධ්‍ය හමුවේදී අද (29) මාධ්‍යවේදියෙකු ඇසූ ප්‍රශ්නයකට පිළිතුරු දෙමිනි.
එහිදී කැබිනට් ප්‍රකාශක නලින්ද ජයතිස්ස අමාත්‍යවරයා පැවසුවේ,
අල්ලස් කොමිසමට ඇවිත් ගියාට පසුව රනිල් වික්‍රමසිංහ එවැනි ප්‍රකාශයක් කර තිබුණා. ඇත්තට ම අල්ලස් කොමිසම ඔහුට කැඳවීමක් කළාට පසුව අප්‍රේල් 11 වන දා ඔහු ම තමන්ගේ සමාජ මාධ්‍ය ගිණුම්වල සඳහන් කළා එදාට එන්න බෑ කියල. මේක ඔහු ම තමයි 11 රෑ කියන්නේ. 11 එන්න විදියක් නෑ 17 කැඳවල තිබුණා කියලා.
මේක පොදු තොරතුරක්. ජනාධිපතිවරයා ගන්න ඇත්තේ එතැනින්. සමහරවිට රනිල්ට ඔහු ම කියපු දේ අමතක වෙන්න ඇති. එහෙම වෙන්න පුළුවන්. 11 රෑ වෙද්දි දන්නවා. මේක රහසිගත තොරතුරක් නෙවෙයි. රනිල් ම කළ ප්‍රකාශයක්. පෙරදා රාත්‍රියේ සියලු සමාජ මාධ්‍ය හරහා ප්‍රසිද්ධ කළ දෙයක් පහුවන දා ජනාධිපති කිව්වා.”
2019 පාස්කු ඉරිදා ත්‍රස්ත ප්‍රහාර පිළිබඳ විමර්ශනවල විශ්වසනීයත්වයට, නියෝජ්‍ය ආරක්ෂක අමාත්‍ය ධූරය හොබවන මේජර් ජෙනරාල්…
මන්ත්‍රීවරුන්ට සහ ඇමතිවරුන්ට විවේචන තියෙනවා වගේම ඕනෑම මනුස්සයෙකුගේ සුදු සහ කලු යනුවෙන් පැති දෙකක් තිබෙන…
නව අගවිනිසුරු ප්‍රීති පද්මන් සූරසේන පිළිගැනීමේ චාරිත්‍රනුකූල නිල උත්සවය අද (31) ශ්‍රේෂ්ඨාධිකරණ සංකීර්ණයේදී පැවැත් වූ…
මහනුවර පෙරහැර කටයුතු සඳහා සහභාගීවී සිටි ඇත්ගොව්වෙකුගේ සහායකයෙකුගේ මළසිරුරක් අද (31) උදෑසන මහනුවර වැව් ඉවුරේ…
කොස්ගොඩ ප්‍රදේශයේ සිදුකළ වෙඩි තැබීමට පැමිණි බවට සැක කෙරෙන යතුරුපැදිය පොලීසිය විසින් සොයාගෙන තිබේ. වෙඩි…
පොලිස් භාරයේ සිටි සැකකරුවෙකු පළායාමේ සිදුවීමක් සම්බන්ධයෙන් රත්නපුර මූලස්ථාන පොලීසියේ නිලධාරීන් දෙදෙනෙකුගේ වැඩ තහනම් කර…