ඉදිරි පැය 24 සිට 36 දක්වා කාලය තුළ ඉන්දියාව විසින් හමුදා ප්‍රහාරයක් දියත් කිරීමට අදහස් කරන බවට විශ්වාස දායක බුද්ධි තොරතුරු ලැබී ඇති බව පාකිස්තානයේ තොරතුරු අමාත්‍ය අතාවුල්ලාගේ X ගිණුමේ සටහනක් උපුටා දක්වමින් විදෙස් මාධ්‍ය වාර්තා කර ඇත.
එහිදී අමාත්‍යවරයා පවසා ඇත්තේ, ඉන්දියාවෙන් සිදුවන එවැනි ඕනෑම මිලිටරි වික්‍රමාන්විතයකට නිසැකවම සහ තීරණාත්මකව ප්‍රතිචාර දක්වන බවයි.
එමෙන්ම ඕනෑම වියදමක් දරා පාකිස්තානයේ ස්වෛරීභාවය සහ භෞමික අඛණ්ඩතාව ආරක්ෂා කිරීමට ජාතිය සිය අධිෂ්ඨානය නැවත අවධාරණය කරන බව පාකිස්තානයේ තොරතුරු අමාත්‍ය අතාවුල්ලා වැඩිදුරටත් පැවසා ඇති බව විදෙස් මාධ්‍ය වාර්තා කරයි.
ඉන්දියාව සහ පාකිස්තානය අතර පැවති රාජ්‍ය තාන්ත්‍රික මතභේද මේ වනවිට අවි ගැටුමක් දක්වා තීව්‍ර වී ඇති අතර ඊට හේතුවූයේ පසුගිය අඟහරුවාදා ඉන්දීය ජම්මු කාෂ්මීරයේ පෙහෙල්ගාම්හී සිවිල් වැසියන් පිරිසක් ඉලක්ක කරගෙන එල්ල වූ ත්‍රස්තවාදී වෙඩි ප්‍රහාරයයි.
නේපාල ජාතිකයෙකු ද ඇතුළුව 26 දෙනෙකුට මරු කැඳවූ මෙම ප්‍රහාරයෙන් මියගිය පිරිසෙන් බහුතරය දේශිය සංචාරකයින් බව ඉන්දීය මාධ්‍ය වාර්තා කර තිබුණි.
කාෂ්මීරයේ ක්‍රියාත්මක ප්‍රතිරෝධී පෙරමුණ නම් සංවිධානය ප්‍රහාරයේ වගකීම භාරගත්තත් එය පාකිස්තානයේ සන්නද්ධ සංවිධානවලට සෘජුව සම්බන්ධ බවට ඉන්දීය රජය චෝදනා කරයි.
එනයින් මේ වන විට ඉන්දියාව සහ පාකිස්තානය එකිනෙකාට ප්‍රතිචාර දැක්වීමට ගෙන ඇති පියවර හේතුවෙන් මතුව ඇත්තේ දැඩි අර්බුදකාරී තත්ත්වයකි.
ගාල්ල බස් නැවතුම්පොළ ඉදිරිපිට ගොඩනැගිල්ලෙ පිහිටි විදුලි සෝපානයක් කඩා වැටීමෙන් එහි සුපිරි සාප්පු සංකීර්ණයක සේවය…
වැල්වැටිතුරෙයි ප්‍රදේශයට එපිටින් වූ මුහුදු කලාපයේදී කේරළ ගංජා සමග පුද්ගලයින් සිව්දෙනෙක් නාවික හමුදා භාරයට ගෙන…
පානදුර මාලමුල්ල පින්වල ප්‍රදේශයේ නිවසක කොටහළු මංගල්‍යයක් වෙනුවෙන් පැවති සාදයක් අතරතුර අද (29) අළුයම එහි…
ශ්‍රී ලාංකේය සමුද්‍රිය ඉතිහාසයේ සන්ධිස්ථානයකට එළඹෙමින් ලොව විශාලතම බහලුම් නෞකාවක් වන MSC MARIELLA නෞකාව කොළඹ…
පළාත් පාලන මැතිවරණය සඳහා තැපැල් ඡන්ද සළකුණු කිරීමේ කටයුතු අද (29) පස්වරු 04.00ට අවසන් විය.…
ලංකා ප්‍රිමියර් ලීග් ක්‍රිකට් තරගාවලියේ කලම්බු ස්ට්‍රයිකර්ස් සහ ජැෆ්නා කිංග්ස් යන කණ්ඩායම්වල හිමිකරුවන් සතු අයිතිය…