කොළඹ ප්‍රධාන පෙළේ බාලිකා පාසලක් ඉදිරිපිටදී කිසියම් පුද්ගලයෙකුගේ සැකකටයුතු හැසිරීමක් සම්බන්ධයෙන් එම විද්‍යාලයේ පාලනාධිකාරියේ දැඩි අවධානය යොමු වී ඇති බව වාර්තා වේ.
ඒ සම්බන්ධයෙන් ලද පැමිණිල්ලක් අනුව විමර්ශන ක්‍රියාත්මක බව කුරුඳුවත්ත පොලිසිය පවසයි.
මෙම සිදුවීම වාර්තා වී ඇත්තේ ඊයේ පස්වරුවේ පාසල් කාලය තුළදී වන අතර එම විද්‍යාලයේ සිසුවියක රැගෙන යාම සඳහා ඊයේ ඇයගේ මව මෝටර් රථයෙන් පැමිණ තිබුණි.
ඇය සිය දියණියව මෝටර් රථයේ පසුපස අසුනට නංවා ගැනීමත් සමග පිටස්තර පුද්ගලයෙකු ද බලහත්කාරයෙන් එම මෝටර් රථයේ පිටුපස ආසනයකට නැග ඇති බව වාර්තා වේ.
පසුව ඔහු මෝටර් රථය ඉදිරියට ධාවනය කරන ලෙස බල කර තිබූ අතර සිසුවියගේ මව ඒ අවස්ථාවේදී ඉන් පිටතට පැමිණ අසල සිටි අයගෙන් උදව් ඉල්ලා ඇත.
විදුහලේ ආරක්ෂක අංශවල අවධානය ද වහාම ඒ වෙත යොමු වූ අතර සැකකටයුතු පුද්ගලයා එම අවස්ථාවේදී තියුණු ආයුධයක් පෙන්වා අසල රැස්වූ පිරිස බියවද්දා මෝටර් රථයෙන් පිටතට පැන පලාගොස් ඇති ඇත.
මේ සම්බන්ධයෙන් දැඩි අවධානය යොමු කර ඇති අදාල විද්‍යාලයේ පාලනාධිකාරිය මව්පියන් වෙත දැනුම් දී ඇත්තේ සිය දරුවන් නැවත කැඳවාගෙන යාම සඳහා පැමිණීමේදී වඩාත් සැලකිළිමත් වන ලෙසයි.
අදාළ පුද්ගලයා දින කිහිපයක සිට පාසල අසල ගැවසෙන ආකාරය ආරක්ෂිත කැමරා නිරීක්ෂණය කිරිමේදී අනාවරණය වී ඇති අතර පොලිසිය සඳහන් කළේ මෙම සිදුවීම සම්බන්ධයෙන් පැමිණිල්ලක් ද ලැබී ඇති බවයි.
ඒ අනුව විමර්ශන ක්‍රියාත්මක බවද පොලිසිය වැඩිදුරටත් සඳහන් කරයි.
මත්ද්‍රව්‍ය උවදුර දැනටමත් මෙරට බරපතළ ගැටළුවක් බවට පත්ව ඇති අවස්ථාවක, වාණිජමය වශයෙන් කංසා වගා කිරීමට…
ලංකාව තුළ සමලිංගිකත්වය ව්‍යාප්ත කිරීම සඳහා විදේශීය සංවිධාන සමග එක්වී පිරිසක් කටයුතු කරමින් සිටින බව…
හිටපු රාජ්‍ය අමාත්‍ය ලොහාන් රත්වත්තේ ජීවිතක්ෂයට පත්ව ඇති බව වාර්තා වේ. මිය යන විට ඔහු…
හිටපු ප්‍රාදේශීය සභා මන්ත්‍රී ශාන්ත මුදුන්කොටුව හෙවත් 'බනා මන්ත්‍රී' නැමැත්තා ඝාතනය සම්බන්ධයෙන් වැදගත් තොරතුරු රැසක්…
මහනුවර දිස්ත්‍රික්කයේ ප්‍රාදේශීය රෝහලක ගිලන් රථ රියැදුරකු සෞඛ්‍ය කාර්ය සහයිකාවකට ගිලන් රථයක් තුළ දී අතවර…
අද මධ්‍යම රාත්‍රියේ සිට වෙන්කළ ආසන සහිත දුම්රිය ධාවන රාජකාරීවලින් ඉවත්වීමට දුම්රිය නියාමක සංගමය ගත්…