තලවකැලේ මෝටර් රථ අනතුරක්!

නුවරඑළියේ සිට තලවකැලේ සෙන්ක්ලෙයාර් වත්ත දක්වා අධික වේගයෙන් ධාවනය වූ මෝටර් රථයක් ප්‍රධාන මාර්ගයේ කන්දක ගැටීමෙන් අනතුරක් සිදුව ඇති බව වාර්තා වේ.

ඊයේ (14) පස්වරු 5ට පමණ මෙම අනතුර සිදු වී ඇත්තේ හැටන් නුවරඑළිය ප්‍රධාන මාර්ගයේ තලවකැලේ ලිඳුල, මල්ලිඅප්පු ප්‍රදේශයේදී බවයි තොරතුරු වාර්තා වන්නේ.

නීතීඥවරයෙකු විසින් ධාවනය කළ මෝටර් රථයේ වේගය පාලනය කර ගත නොහැකිව කන්දේ ගැටී අනතුර සිදු වී ඇති බවත්, අනතුරින් නීතීඥවරයාට කිසිදු අනතුරක් සිදු වී නොමැති බවත් වාර්තා වේ.

කෙසේවෙතත් අනතුරින් මෝටර් රථයට දැඩි අලාභ හානි සිදුව ඇති අතර මෝටර් රථ රියදුරුගේ අපරීක්ෂාකාරී රිය ධාවනය අනතුරට හේතු වී ඇති බව වාර්තා වේ.