සජබ පාර්ලිමේන්තු මන්ත්‍රී රෝහණ බණ්ඩාරට තර්ජනාත්මක නිර්නාමික ලිපියක්!

සමගි ජන බලවේගය පක්ෂයේ අනුරාධපුර දිස්ත්‍රික් නායක, පාර්ලිමේන්තු මන්ත්‍රී රෝහණ බණ්ඩාරට තර්ජනාත්මක නිර්නාමික ලිපියක් ලැබී ඇති බව වාර්තා වේ.

ඒ අනුව පළාත් පාලන ආයතනවල බලය පිහිටුවීමට උත්සාහ කළහොත් මරා දමන බවට එම ලිපිය මඟින් සඳහන් කර ඇති බව මන්ත්‍රීවරයා පවසන අතර අදාළ ලිපිය තමන්ට තැපැල් මාර්ගයෙන් ලැබුණු බවයි සදහන් කලේ.

එහි එවන ලද කෙනෙකුගේ විස්තර කිසිවක් අඩංගු නොමැති අතර, මෙම සිදුවීම සම්බන්ධයෙන් අනුරාධපුර පොලීසියට ද පැමිණිල්ලක් ඉදිරිපත් කළ බවයි මන්ත්‍රීවරයා වැඩිදුරටත් පවසයි.

පළමු සහ අවසන් දැනුම්දීම – ප්‍රාදේශීය සභාවල බලය අපට හිමිවී අවසන්. අනවශ්‍ය ලෙස බලය ලබා ගැනීමට යාම මැදිහත්වීම (මැදවච්චිය, කැබිතිගොල්ලෑව), ආණ්ඩුව විවේචනය කර ප්‍රකාශයන් නිකුත් කිරීම වැනි කාර්යයන් හි නිරත වීමෙන් සිදුවන බිහිසුණු අතවරයන්ට මුහුණ දී අත්වන විනාශයට අපි වග නොකියමු. මෙම ලිපිය ප්‍රසිද්ධියට පත් කිරීමෙන් දරුණු විපාක අත්විඳීමට සිදුවේ. මරණය!”

යනුවෙන් එම ලිපියේ සඳහන් කර ඇති බවයි මන්ත්‍රීවරයා වැඩිදුරටත් ප්‍රකාශ කළේ.