සේවක සේවිකාවන් 1400ක් පමණ සේවය කළ කටුනායක නිදහස් වෙළෙඳ කලාපයේ පවත්වා ගෙන ගිය, නෙක්ස්ට් ඇගලූම් කර්මාන්තශාලාව වසා දැමීම සම්බන්ධයෙන් අද ආයෝජන මණ්ඩලය, කම්කරු දෙපාර්තමේන්තුව සහ අදාළ සමාගමේ නියෝජිතයින් අතර සාකච්ඡාවක් පැවැත්වෙන බව වාර්තා වේ.
මේ සම්බන්ධයෙන් ඊයේ පාර්ලිමේන්තුවේදී වැඩබලන කම්කරු අමාත්‍ය මහින්ද ජයසිංහ තහවුරු කර ඇත.
මෙම කර්මාන්තශාලාව වසා දැමීම හේතුවෙන් එහි සේවක සේවිකාවන් 1400ක් පමණ අසීරුතාවයට පත්ව ඇති අතර නිෂ්පාදන පිරිවැය තවදුරටත් දරා ගැනීමට නොහැකි බව පවසමින් ඊයේ සිට එය දින නියමයක් නොමැතිව වසා දමා ඇත.
කෙසේවෙතත් එම ඇඟලු‍ම් කාර්මාන්තශාලාවේ පාලනාධිකාරිය පවසන්නේ මෙම ගැටලු‍ව හේතුවෙන් බලපෑමට ලක්වූවන්ට දේශීයව වෙනත් රැකියා සොයා ගැනීමට උපකාර කිරීමට කටයුතු කරන බවයි.
එමෙන්ම රැකියා අහිමිවන සේවකයින්ට නීතිමය වශයෙන් හිමි වන අයිතිවාසිකම්වලට අමතරව අවම වශයෙන් මාස 2ක වැටුප් ලබාදීමටද පියවර ගන්නා බව ඔවුන් වැඩිදුරටත් සඳහන් කර ඇත.
1978 වසරේ ආරම්භ කර ඇති මෙම කර්මාන්තශාලාව එංගලන්තයේ ආයෝජන ව්‍යාපෘතියක් වන අතර එහි නිෂ්පාදිත ඇඟලූම් ලන්ඩන් නුවර වෙත අපනයනය කරනු ලබයි.
මේ අතර අදාළ ඇඟලු‍ම් කර්මාන්ත ශාලාවේ සේවකයින් පිරීසක් ඊයේ පස්වරුවේ කම්කරු දෙපාර්තමේන්තුව වෙත ගොස් තමන් පත්ව ඇති තත්ත්වය සම්බන්ධයෙන් කරුණු දක්වා ඇති බවද වාර්තා වේ.
නැවත දැනුම්දෙන තුරු මැතිවරණ කොමිසමේ සේවාවන් අත්හිටුවා ඇති බව වාර්තා වේ. නිවේදනයක් නිකුත් කරමින් මැතිවරණ…
කුරුවිට, දෙවිපහළ ප්‍රදේශයේදී 26 හැවිරිදි තරුණියක වන ශාලිකා මධුෂානී ඝාතනය කිරීමේ සිද්ධිය සම්බන්ධයෙන් 17 හැවිරිදි…
රක්ෂිත බන්ධනාගාර ගත කර සිටින වෛද්‍ය මහේෂි විජේරත්නගේ දියණිය අත් අඩංගුවට ගෙන ඇති බව වාර්තා…
ඊශ්‍රායලය විසින් යේමනයේ හූති කැරලිකරුවන්ගේ ඉලක්ක කිහිපයක් වෙත ප්‍රහාර එල්ල කර ඇති බව විදෙස් මාධ්‍යය…
ජ්‍යෙෂ්ඨ සිවිල් සේවකයෙකු මෙන්ම කීර්තිමත් රාජ්‍ය පරිපාලන නිලධාරියෙකුව සිටි බ්‍රැඩ්මන් වීරකෝන් අභාවප්‍රාප්ත වී ඇති බව…
හිටපු මහජන ආරක්ෂක අමාත්‍ය ටිරාන් අලස්ට පාතාල කල්ලි නායකයෙකු විසින් දුරකථනය ඔස්සේ මරණීය තර්ජන එල්ල…