මගී ප්‍රවාහන සියලුම බස් රථ සඳහා ලබන අගෝස්තු මස 1 වන දා සිට විද්‍යුත් ප්‍රවේශපත් නිකුත් කිරීම අනිවාර්ය කෙරෙන බව ප්‍රවාහන මහාමර්ග වරාය හා ගුවන් සේවා අමාත්‍ය බිමල් රත්නායක පවසයි.
ඔහු මේ බව පැවසුවේ, ප්‍රවෘත්ති දෙපාර්තමේන්තුවේදී ඊයේ (21) පැවති ප්‍රවෘත්ති සාකච්ඡාවකදීයි.
බස් රථවල ගමන් කරන මගීන් ප්‍රවේශපතක ලබා ගැනීම අනිවාර්ය වුවත් එම නීතිය නිසි අයුරින් ක්‍රියාත්මක නොවන බැවින් ලබන අගෝස්තු සිට එම නීතිය බලාත්මක කෙරෙන බව අමාත්‍යවරයා සදහන් කළා.
ඔහු තවදුරටත් පැවසුවේ, පෞද්ගලික මගී බස් රථවල ප්‍රවේශ පත් නොගෙන ගමන් ගන්නා මගීන්ට ලංගම බස් රථවල මෙන් එම ප්‍රමාණයේ දඩයක් පැනවීමටත් අවශ්‍ය රෙගුලාසි හදුන්වා දීමට කටයුතු කරන බවයි.
පෞද්ගලික බස් රථ වලට අවශ්‍ය විද්‍යුත් ටිකට් මැෂින් පළාත් මාර්ගස්ථ මගී ප්‍රවාහන අධිකාරී මගින් ලබා දෙන බවත් ඉදිරියේදී ජාතික ගමනාගමන කොමිෂන් සභා පනත සංශෝධනය කිරීමට කටයුතු කරන බවත් බිමල් පවසා ඇත.
අධිවේගී මාර්ගවල ධාවනය කෙරෙන බස් රථ රියැදුරන් සදහා ලබන සැප්තැම්බර් මාසයේ සිට ආසන පටි පැළදීම අනිවාර්ය කෙරෙන බවත් අධිවේගී මාර්ග භාවිත කර මෝටර් රථවල පිටිපස අසුන්වල ගමන් ගන්නා මගීන් ද ආසන පටි පැළඳීම අනිවාර්ය කරන බවත් ඔහු සඳහන් කරයි.
අමාත්‍යවරයා වැඩිදුරටත් සඳහන් කළේ, බස් රථවල ඇති අනවශ්‍ය සැරසිලිද ලබන ජූලි 1 වන දා සිට ඉවත් කිරීමට කටයුතු කරන බවයි.
ව්‍යාපාරිකයෙකුගෙන් රුපියල් 50,000ක මුදලක් අල්ලස් ලෙස ලබාගැනීමේ චෝදනාවකට අදාළව දේශීය ආදායම් දෙපාර්තමේන්තුවේ නිලධාරීවරයෙකු අත්අඩංගුවට ගෙන…
2025 ඔක්තෝබර් 01 දින සිට ශ්‍රී ලංකාව තුළ සිදුකෙරෙන ඩිජිටල් සේවාවන් සඳහා එකතු කළ අගය…
වැලිමඩ, උමා ඔයේ දිය නෑමට ගිය පිරිමි ළමුන් දෙදෙනෙක් දියේ ගිලී ජීවිතක්ෂයට පත්ව ඇති බව…
නැවත දැනුම්දෙන තුරු මැතිවරණ කොමිසමේ සේවාවන් අත්හිටුවා ඇති බව වාර්තා වේ. නිවේදනයක් නිකුත් කරමින් මැතිවරණ…
කුරුවිට, දෙවිපහළ ප්‍රදේශයේදී 26 හැවිරිදි තරුණියක වන ශාලිකා මධුෂානී ඝාතනය කිරීමේ සිද්ධිය සම්බන්ධයෙන් 17 හැවිරිදි…
රක්ෂිත බන්ධනාගාර ගත කර සිටින වෛද්‍ය මහේෂි විජේරත්නගේ දියණිය අත් අඩංගුවට ගෙන ඇති බව වාර්තා…