සමගි ජන බලවේගයට පාතාල සම්බන්ධතා නෑ – සජිත් කියයි!

මහජන ආරෂත අමාත්‍ය ආනන්ද විජේපාල පැවසු පරිදි පාතාලය සමග සම්බන්ධ සමගි ජන බලවේගයේ නායකයන් කවුරුන් ද කියා හරියට ඔප්පු කරගන්නා ලෙස විපක්ෂ නායක සජිත් ප්‍රේමදාස ඊයේ (21) පාර්ලිමේන්තුවේදී පැවසීය.

ඊට පිළිතුරු දෙමින් මහජන ආරක්ෂක අමාත්‍ය ආනන්ද විජේපාල පැවසුවේ, තමා එම කරුණු ප්‍රකාශ කළේ වගකීමෙන් බවත් මේ පිළිබඳ දැනට විමර්ශනයක් පවතින බැවින් විමර්ශන අවසන් වූ පසු එම නම් රටට හෙළිදරව් කරන බවයි.

මීට සතියකට පෙර මීට අදාළ නම් කිහිපයක් පාර්ලිමේන්තුවේදී තමා ප්‍රකාශයට පත් කළ අතර අවශ්‍ය නම් හැන්සාඩ් වාර්තා බලන ලෙස ද විජේපාල ප්‍රකාශ කර ඇත.

කෙසේ නමුත්, මහජන ආරක්ෂක අමාත්‍යවරයා සමගි ජන බලවේගයේ නායකයන් පාතාලය සමඟ සම්බන්ධ යැයි චෝදනා කළ බවත් ජනතාව නොරවට්ටවා පාතාලය සමඟ සම්බන්ධ සමගි ජන බලවේග නායකයන් කවුද කියා ඔප්පු කරන ලෙස තමා ඉල්ලා සිටින බවත් විපක්ෂ නායකවරයා පවසා ඇත.

එමෙන්ම විපක්ෂ නායක සජිත් ප්‍රේමදාස පැවසුවේ, සමගි ජන බලවේගයට පාතාල සම්බන්ධතා නොමැති බවයි.

රටේ ක්‍රියාත්මක මිනිමරු සංස්කෘතිය නැවැත්වීමට රජය කටයුතු නොකරන්නේ ඇයිද කියා ගැටලුවක් ඇති සේම මේ මිනීමරු කල්ලි ජනතාවගේ ජන ජීවිත විනාශ කරන මොහොතන ඒ වෙනුවෙන් පැහැදිලි ක්‍රියාදාමයක් ගන්නා ලෙස ඔහු වැඩිදුරටත් පවසා ඇත.