වියට්නාමයේ නිල සංචාරයකට නිරත වූ ප්‍රංශ ජනාධිපති ඉමැනුවෙල් මැක්රොන්ගේ බිරිඳ ගුවන්යානය තුළදී ඔහුගේ මුහුණ අතින් තල්ලු කරන අන්දමේ වීඩියෝවක් මේ වනවිට ලෝකය පුරා සමාජ මාධ්‍ය ඔස්සේ සංසරණය වෙමින් පවතියි.
ප්‍රංශ ජනාධිපතිවරයාගේ නිල ගුවන් යානය හැනොයි ගුවන්තොටුපොළට ගොඩබෑමෙන් පසු දොර විවර වන අවස්ථාවේදී මෙම සිදුවීම සිදු වී ඇති බව විදෙස් මාධ්‍ය වාර්තා කරයි.
එහිදී ජනාධිපතිවරයා ගුවන් යානයට සවි කරන පඩි පෙළ දිගේ පහළට බසින තුරු වියට්නාම් බලධාරීන්, මාධ්‍යවේදීන් ඇතුළු සියලු දෙනා බලාගෙන සිටින අවස්ථාවේදි යානයේ දොර විවර වී තිබියදී ඔහුගේ බිරිඳ බ්‍රිජෙත් තරවටු ස්වරූපයෙන් ජනාධිපතිවරයාගේ මුහුණ අල්ලා තල්ලු කරන බවක් කැමරාවල සටහන් වී ඇත.
දොර විවර වී ඇති බව දුටු විගස ජනාධිපතිවරයා ලැජ්ජාවට පත්ව සිනහවකින් මාධ්‍යවේදීන්ට ආචාර කරන අයුරු එහිදි දක්නට ලැබුණු අතර පසුව දෙදෙනා යානයෙන් පහළට බැස යන අවස්ථාවේදී, ජනාධිපතිවරයා බිරිඳගේ අත අල්ලන ලෙස ඉඟියක්ද ලබාදෙන නමුත් ඇය එම ඉඟිය නොසලකා හැරීමද වීඩියෝවල සටහන් ව ඇත.
මෙම සිද්ධිය මත පදනම්ව ප්‍රංශ ජනාධිපතිවරයා සහ බිරිද අතර ආරවුලක් ඇතැයි ඇතැම් විදෙස් මාධ්‍ය වාර්තා කරයි.
නමුත්, ප්‍රංශ ජනාධිපතිවරයා එය ප්‍රතික්ෂේප කර ඇති අතර ඔහු පවසා තිබුණේ, එය තමන්ගේ බිරිඳ සමඟ විහිළු කරමින් සිටි අවස්ථාවක් බවයි.
එම වීඩියෝව පහතින්,
පිළියන්දල බෝකුන්දර ප්‍රදේශයේ ගින්නක් හට ගෙන ඇති බව වාර්තා වේ. කොළඹ පිළියන්ල මාර්ගයේ බෝකුන්දර ප්‍රදේශයේ…
ලොව වඩාත් ජනප්‍රියම සහ තරගකාරී ලීග් ක්‍රිකට් තරග මාලාව වන, ඉන්දියන් ප්‍රීමියර් ලීග් 2025 තරගාවලිය…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…