අත්තනගල්ල, කරස්නාගොඩ ප්‍රදේශයේ චීන සමාගමක් විසින් ක්‍රියාත්මක කළ ජල ව්‍යාපෘතියක් හේතුවෙන් අවතැන් වූ පවුල් 35කගේ සුබසාධන කටයුතු වෙනුවෙන් එම සමාගම විසින් ලබාදුන් රුපියල් කෝටි 12කට අධික මුදලක් සාවද්‍ය පරිහරණය කළේ යැයි චෝදනා ලබා සිටින හිටපු නියෝජ්‍ය අමාත්‍ය සරණ ගුණවර්ධනට එරෙහිව ගොනුකර තිබෙන නඩුව අද (27) කොළඹ මහාධිකරණය හමුවේ යළි විභාගයට ගත්තේය.
ඒ් කොළඹ මහාධිකරණ විනිසුරු මංජුල තිලකරත්න ඉදිරියේ දීය.
නඩුව අද කැඳවූ අවස්ථාවේ පැමිණිල්ල වෙනුවෙන් ජාතික ජල සම්පාදන හා ජල ප්‍රවාහන මණ්ඩලයේ මිනුවන්ගොඩ ජල සම්පාදන යෝජනා ක්‍රමයේ ව්‍යාපෘති අධ්‍යක්ෂක ලෙස කටයුතු කළ කේ.ජී.වී ඇන්ටනි පෙරේරාගේ සාක්ෂි සටහන් කර ගැනීම සිදුවුණි.
ඉන් අනතුරුව වැඩිදුර සාක්ෂි විභාගය අගෝස්තු 7 වනදා දක්වා කල් තැබීමට විනිසුරුවරයා තීරණය කළේය.
එදින නඩුවේ සාක්ෂිකරුවන් දෙදෙනෙකුට සාක්ෂි දීම සඳහා අධිකරණයේ පෙනී සිටින ලෙස දන්වා සිතාසි නිකුත් කරන ලෙසත් විනිසුරුවරයා නියෝග කර ඇත.
චීන සමාගමකින් විසින් අත්තනගල්ල ප්‍රදේශයේ ක්‍රියාත්මක කළ ජල ව්‍යාපෘතියක් හේතුවෙන් අවතැන් වූ ජනතාවගේ සුබසාධන කටයුතු වෙනුවෙන් එම සමාගම විසින් මුදල් වෙන් කර තිබෙන බව නඩුවේ සඳහන් වේ
එසේ වෙන් කරන ලද රුපියල් දොළොස් කෝටී අනූ එක්දාස් පන්සීයක මුදලක් අවසන් වූවන්ගේ සුබසාධන කටයුතුවලට නොයොදා 2015 වසරේ ජනාධිපතිවරණයේ ප්‍රචාරණ කටයුතු සඳහා යෙදවීම තුළින් දණ්ඩ නීති සංග්‍රහයේ 389 වැනි වගන්ති යටතේ වරදක් සිදුකළේ යැයි චෝදනා කරමින් විත්තිකාර සරණ ගුණවර්ධනට එරෙහිව නීතිපතිවරයා විසින් මෙම නඩුව ගොනුකර තිබේ.
ඉලොන් මස්ක්ගේ SpaceX සමාගම දියත් කළ මිනිසුන් රහිත වඩාත් බලගතු ස්ටාර්ෂිප් යානය සමඟ පැවති සියලු…
ජාතික ලොතරැයි මණ්ඩලයේ හිටපු ක්‍රියාකාරී අධ්‍යක්ෂකවරයෙකු වන තුසිත හල්ලොලුව ගමන් ගත් මෝටර් රථයකට වෙඩි ප්‍රහාරයක්…
මාලිගාවත්ත දුම්රිය අංගනයෙන් පිටත් වන සියලුම දුම්රියන් ප්‍රමාද වන බව දුම්රිය දෙපාර්තමේන්තුව පවසයි. මාලිගාවත්ත දුම්රිය…
එක්සත් ජාතික පක්ෂයේ මහියංගනය ආසන සංවිධායක ලෙස කටයුතු කළ කරු වීරරත්න අද (28) දින එම…
ඉන්දියාවේ තෙලන්ගානා හි පැවති 72 වන ලෝක රූ රැජින උළෙලේදී "Multimedia Challenge" අංශයේ අවසන් තරගකරුවන්…
සබරගමුව විශ්වවිද්‍යාලයේ තාක්ෂණ පීඨයේ දෙවන වසරේ සිසුවෙකු වූ 23 හැවිරිදි චරිත් දිල්ෂාන් මුහුණ දුන් ඛේදජනක…