BYD සමාගම මෝටර් රථවල මිල දැනෙ​න ප්‍රමාණයකින් අඩු කරයි!

BYD සමාගම විසින් සිය විදුලි හා plug in hybrid මෝටර් රථවල මිල 10% සිට 30% දක්වා පමණ ප්‍රමාණයකින් අඩු කර ඇති බව විදෙස් මාධ්‍ය වාර්තා කරයි.

එම සමාගම පසුගිය සිකුරාදා නිවේදනයක් නිකුත් කරමින් සදහන් කලේ, මෙම වට්ටම එළඹෙන ජුනි මස අවසානය දක්වා ක්‍රියාත්මක වන බවයි.

කෙසේ නමුත් එය බැටරි බලයෙන් ක්‍රියාත්මක වන සහ plug in hybrid මාදිලි 22ක් සඳහා 10 සිට 30%ක වඩා වට්ටමකට යටත් වන බවද BYD සමාගම නිකුත් කළ එම නිවේදනයේ සඳහන්ව ඇත.

තවද වට්ටම් ප්‍රධාන වශයෙන් යුවාන් 150,000ට (ඇමරිකානු ඩොලර් 20,820) අඩු මාදිලි සඳහා අදාළ බවත් විදෙස් මාධ්‍ය වාර්තා කර තිබුණි.

මෙම වට්ටම් සඳහා ඇතුළත් කර ඇති ඉහළම මිලැති මෝටර් රථ මාදිලිය Xia බහුකාර්ය වාහනය වූ අතර එයට 13%ක පමණ වට්ටමක් හිමිව ඇති අතර ඒ අනුව එහි මිල යුවාන් 200,000 ට වඩා ඉහළ මිලක් ලෙස සඳහන් වේ.

මෙම වට්ටම් ප්‍රකාශයට පත් කිරීමට හේතු ලෙස විදෙස් මාධ්‍ය වාර්තා කරන්නේ, BYD සමාගම සිය වාහන අලෙවිය මෙම වසර අවසානයේ දී මිලියන 5.5ක් දක්වා වර්ධනය කර ගැනීම බවයි.

චීනයේ CNEVPost.com වාර්තාවකට අනුව මෙලෙස අඩු කිරීමෙන් පසු BYD’s Seagull රථයක මිල රුපියල් මිලියන 2.3ක් වන අතර, Seal රථයක මිල රුපියල් මිලියන 2.4ක් වේ.

Sealion රථයක් රුපියල් මිලියන 2ක් වන අතර, ඩොල්ෆින් රථයක් රුපියල් මිලියන 3.2ක මිලක් ලෙස එම වෙබ් අඩවිය සඳහන් කර ඇත.

කෙසේ නමුත්, එම මිල ගණන් මෙරට තීරුබදු අය කිරීමට පෙර මිල බවද සඳහන් වේ.