එක්සත් ජාතික පක්ෂයේ ආසන සංවිධායකවරයෙකු ඉල්ලා අස්වෙයි!

එක්සත් ජාතික පක්ෂයේ මහියංගනය ආසන සංවිධායක ලෙස කටයුතු කළ කරු වීරරත්න අද (28) දින එම ධුරයෙන් ඉල්ලා අස්වීමට තීරණය කර ඇති බව වාර්තා වෙයි.

මෙම ඉල්ලා අස්වීම සම්බන්ධයෙන් අදහස් දැක්වූ ඒ ඔහු පවසා සිටියේ,

රනිල් වික්‍රමසිංහ කියන නායකයාට අපි පුදුමාකාර විදිහට ආදරෙයි. මොකද ඔහු තමයි මේ රට ගොඩ ගත්ත නායකයා. හැබැයි ඒ නායකයාට අපි කොච්චර ආදරය කළත් වැඩක් නෑ. මොකද මේ පක්ෂයට අරක් ගත්ත මහ අය ටිකක් ඉන්නවා. ඒ අයට මහපොළොවේ යථාර්ථය තේරුම් ගන්න බුද්ධියක් නෑ.”

“මහපොළොවේ ඇත්ත තේරුම් ගත්තේ නැති නිසා තමයි පක්ෂය හැඳි ගෑවිලාම ගියේ. පංච මහා ජලාශ හදලා මිනිස්සුන්ට කන්න බොන්න දීලා රටේ විශාල වැඩ කොටසක් කරපු පක්ෂයේ ඉන්න අර මම කලින් කියපු මහ අයට මේ⁣ක තේරෙන්නේ නැති නිසා තමයි පක්ෂය හැඳිගෑවිලා ගියේ.”

“ඒ නායකයින්ගේ ඔලමොට්ටල තීරණ නිසා. හැබැයි මම පෞද්ගලිකව රනිල් වික්‍රමසිංහ කියන නායකයාට ආදරෙයි ඔහු තමයි මේ රට ගොඩ ගන්න ඉන්න නායකයා කියලා මම අදටත් විශ්වාස කරනවා. හැබැයි ආයේ කවරදාකවත් මේ පක්ෂයට ගොඩ එන්න බෑ. ඒ නිසා මම මෙතෙක් කලක් දරපු එක්සත් ජාතික පක්ෂයේ මහියංගනය ආසන සංවිධායක ධුරයෙන් ඉල්ලා අස්වෙනවා. ඒ සඳහා වූ ලිපිය පක්ෂයේ මහලේකම්වරියට හා පක්ෂ නායකතුමාට යැවීමට කටයුතු කළා.”