පාස්පෝට් නිකුත් කිරීමේ එක්දින සේවය පිලිබඳ දැනුම්දීමක්!

පැය 24 පුරා සිදු කෙරුණු ගමන් බලපත් නිකුත් කිරීමේ එක්දින සේවය අද (30) සිට අවසන් කෙරෙන බව ආගමන විගමන දෙපාර්තමේන්තුව පවසයි.

ගමන් බලපත් නිකුත් කිරීමේ එක්දින සේවය පැය 24 පුරාවට සිදු කිරීම පසුගිය පෙබරවාරි 18 වැනිදා සිට ක්‍රියාත්මක විය.

බත්තරමුල්ල පිහිටි ආගමන හා විගමන දෙපාර්තමේන්තුවේ ප්‍රධාන කාර්යාලයේ එක්දින ගමන් බලපත් නිකුත් කිරීමේ සේවාව සඳහා අයදුම්පත්‍ර භාරගැනීමේ කටයුතු සඳුදා (02) උදෑසන පෙරවරු 7.00 සිට පස්වරු 2.00 දක්වා සිදුකරන අතර එක්දින සේවාව යටතේ කලින් දිනයක් වෙන් කරගනු ලැබ එදිනට නියමිත අයදුම්කරුවන්ට අමතරව හදිසි හෝ ප්‍රමුඛ අවශ්‍යතා ඇති අයදුම්කරුවන්ටද මේ අනුව අයදුම්පත් බාරදිය හැකිය.

මෙම කාලය තුළ සාමාන්‍ය සේවා යටතේද අයදුම්පත් බාරගැනිම සිදුකෙරෙන බවද ආගමන විගමන දෙපාර්තුමේන්තුව පවසයි.