තඹුත්තේගමට A ශ්‍රේණියේ ක්‍රීඩාංගණයක් හදන්න ඇමති වසන්ත සමරසිංහ මැදිහත් වෙයි!

තඹුත්තේගම ක්‍රීඩාංගණය A ශ්‍රේණියේ ක්‍රීඩාංගණයක් බවට සංවර්ධනය කරන ලෙස බලධාරීන්ගෙන් තමා ඉල්ලා සිටින බව වෙළඳ අමාත්‍ය වසන්ත සමරසිංහ පවසයි.

ඔහු සඳහන් කළේ, ජනාධිපතිතුමාගේ ඉල්ලීමක් අනුව තඹුත්තේගම ක්‍රීඩාංගනය A ශ්‍රේණියේ ක්‍රීඩාංගනයක් බවට පත්කිරීමට රජයෙන් කටයුතු කරන ලෙස තමා ඉල්ලා සිටි බවයි.

අනුරාධපුර දිස්ත්‍රික්කයට කොළඹට සමාන පහසුකම් ලබාදීම සහතික කිරීමට රජය පියවර ගන්නා බවද ඔහු පැවසීය.

එහිදී ඔහු වැඩිදුරටත් කියා සිටියේ,

අනුරාධපුරය ටිකක් දුරයි. ඒක නිසා බොහෝ දේවල් එන්නේ හෙමින්. කෝච්චියත් පරක්කු වෙනවානේ, ඒ වගේ තමයි. කොළඹ ක්‍රිකට් තිබ්බා. අනුරාධපුරේට එන්න කල් ගියා. ජනාධිපතිතුමාගේ ඉල්ලීමක් මත, මමත් ඉල්ලීමක් කලා තඹුත්තේගම ක්‍රීඩාංගණය A ශ්‍රේණියේ ක්‍රීඩාංගණයක් ලෙස සංවර්ධනය කරන්න අපි කටයුතු කරමු කියලා. ඒ නිසා කොළඹට වගේම අනුරාධපුරේටත් සමාන වරක් දෙන්න අපි මැදිහත් වෙනවා.

ඒ නිසා මේ අනුරාධපුර දිස්ත්‍රික්කය ඇතුළත ගල් කණු උස්සපු යෝධයන්ගේ ඉතිහාසයක් කතා බහක් ඇතුළේ තියෙන අනුරාධපුරේ, යෝධ 6 පාරවල් 4 පහරවල් ගහන කොල්ලෝ කෙල්ලෝ ටිකක් ජාතික කණ්ඩායමට නියෝජනය කරනවා දකින්න අපි කැමතියි.”