කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ වෛද්‍ය අනිල් ජාසිංහ සඳහන් කරනවා.
දිවයින පුරා ඉන්ෆ්ලුවන්සා සහ කොවිඩ් වයිරස ප්‍රභේදයක් වර්ධනය වීමේ ප්‍රවණතාවයක් ඇති බවට අනතුරු අඟවා ඇති බැවින් කාර්යාල පරිශ්‍ර තුළ මුඛ ආවරණ පැළඳීමට කටයුතු කරන ලෙස සියලුම කාර්ය මණ්ඩල දැනුවත් කරමින් බස්නාහිර පළාත් සභාවේ සියලුම ආයතන ප්‍රධානීන් වෙත බස්නාහිර පළාත් නියෝජ්‍ය ප්‍රධාන ලේකම් විසින් පසුගිය 2 වන දින යවන ලද ලිපියට ප්‍රතිචාර දක්වමිනුයි සෞඛ්‍ය අමාත්‍යංශය මේ බව සඳහන් කරන්නේ.
වෛද්‍ය අනිල් ජාසිංහ බස්නාහිර පළාත් ප්‍රධාන ලේකම්වරයා වෙත ලිපියක් යවමින් සඳහන් කරන්නේ, COVID 19 ගෝලීය වසංගතය 2023 මැද භාගයේ දී නිමා වීමෙන් පසුව එය සාමාන්‍ය බෝ වන රෝග ගණයට ඇතුළත් කර ඇති බයි. ඒ බැවින් ඉන්ෆ්ලුවන්සා වැනි ශ්වසන රෝග තත්වයක් වැසි කාලයේ දී වැඩිවීමත් සමග COVID 19 රෝගය ද ඇතිවීමේ හැකියාවක් තිබෙන බවත් එබැවින් COVID 19 වළක්වා ගැනීම ද විශේෂ අවදානම් තත්වයක් ලෙස දැනට සැලකීමට අවශ්‍යතාවයක් නොමැති බව ද මෙම අවස්ථාවේ දී මෙවැනි විශේෂිත ක්‍රියා මාර්ග පොදුවේ නිර්දේශ කිරීමෙන් අනිසි ප්‍රථිපල ඇතිවිය හැකි බවයි.
එබැවින් සෞඛ්‍ය අමාත්‍යංශයෙන් විමසා බලා පමණක් මෙවැනි උපදෙස් ලබා දෙන ලෙස වෛද්‍ය අනිල් ජාසිංහ මෙම ලිපියෙන් අවධාරණය කර තිබෙනවා.
කැලණිය ප්‍රදේශයේ ඉඩමක් සම්බන්ධයෙන් කූඨ ලේඛන සකස් කර මුදල් වංචා කිරීමේ චෝදනාවකට අදාළව අත්අඩංගුවට ගෙන…
දුම්රිය රියැදුරන් අද(06) දහවල් 12 සිට මුහුදුබඩ මාර්ගයේ දුම්රිය ධාවනයෙන් ඉවත් වීමට තීරණය කර ඇති…
කොළඹ ගංවතුර පාලනය කිරීම සඳහා ආරම්භ කරන ලද ‘වේරන්ස් ගඟ ව්‍යාපෘතිය’ සඳහා වෙන් කරන ලද…
බෲනායි කණ්ඩායමට එරෙහිව වසර 16කට පසු පාපන්දු තරග ජයක් වාර්තා කිරීමට ශ්‍රී ලංකා කණ්ඩායම අද…
ඉඩම් ගොඩකිරීමේ සහ සංවර්ධන කිරීමේ සංස්ථාවේ හිටපු සාමාන්‍යාධිකාරී එම්.ආර්. ශ්‍රීමති මල්ලිකා කුමාරි සේනාධීර අල්ලස් හෝ…
පාසල් ආශ්‍රිත පරිසරය මදුරුවන්ගෙන් තොරව ආරක්ෂිතව පවත්වාගෙන යාම සඳහා නිකුත් කර ඇති උපදෙස් පිළිපදින ලෙස…