ඉඩම් ආරවුලක් සම්බන්ධයෙන් නඩු වාර්තාවක පිටපතක් ලබා දීමට අල්ලස් ගැනීමේ චෝදනාව මත අධිකරණ නිලධාරියෙකු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිසම පවසයි.
මෙලෙස අත්අඩංගුවට ගෙන ඇත්තේ, බලපිටිය මහේස්ත්‍රාත් උසාවියේ සිතාසි සහ ඇස්කිසි ක්‍රියාකරුවෙකි.
ඒ, අම්බලන්ගොඩ ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුවයි.
ඉඩම් භුක්තිය සම්බන්ධව ඇති වූ ආරවුලක් පිළිබඳව බලපිටිය මහේස්ත්‍රාත් අධිකරණයේ, පැමිණිලිකරු විසින් පුද්ගලිකව පවරන ලද නඩුවකට අදාළ තීන්දුව පැමිණිලිකරුහට අවාසි ලෙස ලැබීමෙන් පසුව නැවත මහාධිකරණයේ අභියාචනය කිරීම සඳහා නීතිඥවරයාගේ උපදෙස් පරිදි ඉහත නඩුවට අදාළ සම්පූර්ණ නඩු වාර්තාවේ පිටපතක් ලබා දීමට රජයේ ගාස්තුවට අමතරව අල්ලස් ලෙස රු.5,000/- ක (රුපියල් පන්දහසක) මුදලක් අයැද භාරගැනීමේ චෝදනාව අධිකරණ නිලධාරියාට එල්ල වී ඇත.
පසුගිය 05 වනදා දහවල් 12:23 ට පමණ අධිකරණ සංකීර්ණය තුළ සිද්ධියට සම්බන්ධ අධිකරණ නිලධාරියාව අත්අඩංගුවට ගෙන තිබේ.
https://youtu.be/e2zqe-IZNv8
ශ්‍රේෂ්ඨාධිකරණය මඟින් ප්‍රකාශයට පත්කිරීමට යෙදුණු තීන්දු ප්‍රජාතන්ත්‍රවාදය හා නීතියේ ආධිපත්‍යය ශක්තිමත් කිරීමට හේතුවූ බව අගවිනිසුරු…
රජයේ මුදල් පිළිබඳ කාරක සභාවේ සහ ක්‍රම හා විධි පිළිබඳ කාරක සභාවේ ඇති වූ පුරප්පාඩුව…
පෞද්ගලික ආයතනයක් සතු දෙමහල් ගොඩනැගිල්ල සහිත ඉඩමක් ව්‍යාජ ඔප්පුවක් සකස් කර, රුපියල් ලක්ෂ 36කට බදු…
මෙරට සංචාරක ව්‍යාපාරය වර්ධනය කිරීමේ අරමුණින් තවත් රටවල් 40කට වීසා ගාස්තු අය නොකිරීමට රජය තීරණය…
වෙසක් පොහොය දිනය දා ජනාධිපති පොදු සමාව යටතේ අධිකරණයෙන් නිදහස්ව යමින් මහත් ආන්දෝලනයක් ඇති කළ…