දිනෙන් දින ඉහල යන ඉන්දියාවේ කොවිඩ් වෛරසය : මරණ සංඛ්‍යාව 68යි!

ලොව පුරා පැතිර යන නව කොවිඩ් වෛරසයට සමගාමීව ඉන්දියාවේ මේ වන විට කොවිඩ් රෝගීන් 6,815 ක් වාර්තා වී ඇති බව ඉන්දීය මාධ්‍ය වාර්තා කර‍යි.

පසුගිය පැය 24ක කාලසීමාව තුළ අවම වශයෙන් මරණ 06ක්ද වාර්තා වි ඇති බවයි සදහන් වන්නේ.

මියගිය පුද්ගලයන්ගෙන් වැඩි පිරිසක් වයෝවෘද්ධ අය වූ අතර, ඊට දියවැඩියාව, තයිරොයිඩ් සහ ශ්වසන රෝග වැනි රෝගී තත්වයේ පසුවූවන් ඇතුළත් බවයි වාර්තා වේ.

විදෙස් මාධ්‍ය වාර්තා කළේ, පසුගිය පැය 24 තුළ නව රෝගීන් 324 දෙනෙකු සොයාගෙන ඇති අතර කොවිඩ් රෝගයේ වැඩිම බලපෑමට ලක්ව ඇති ප්‍රාන්තය ලෙස කර්නාටක පත්ව ඇති බවයි.

නව වසංගතයෙන් වැඩිම බලපෑම එල්ලවූ ප්‍රාන්තය ලෙස කේරළය පත්වද්දි මහාරාෂ්ට්‍ර, කර්ණාටක, ගුජරාට්, දිල්ලි, බටහිර බෙංගාලය, උත්තර් ප්‍රදේශ්, තමිල්නාඩු සහ හර්යානා යන ප්‍රාන්තවල ක්‍රියාකාරී රෝගීන් සංඛ්‍යාව පිළිවෙළින් ඉහළ ගොස් ඇති බවද විදෙස් මාධ්‍ය වාර්තා කරයි.

එමෙන්ම පසුගිය ජනවාරි 1 වැනිදා සිට මේ දක්වා කොවිඩ් රෝගය හේතුවෙන් මරණ 68ක් වාර්තා වී ඇති අතර උත්තර් ප්‍රදේශ්, බටහිර බෙංගාලය, තමිල්නාඩු, පන්ජාබ්, මහාරාෂ්ට්‍ර, මධ්‍ය ප්‍රදේශ්, කේරළ, කර්නාටක, ගුජරාට් සහ දිල්ලි යන ප්‍රාන්තවලින් මෙම මරණ වාර්තා වී ඇති බවද ඉන්දීය මාධ්‍ය වැඩිදුරටත් සඳහන් කර තිබේ.