වෙන්නප්පුව පැබ්රෝනියා මාවතේ පිහිටි සුඛෝපභෝගී නිවසේ මුරකරු ඝාතනය කිරීමේ සිද්ධියට සම්බන්ධ ප්‍රධාන සැකකරුවන් දෙදෙනාව වෙන්නප්පුව පොලීසිය මඟින් අත්අඩංගුවට ගෙන ඇති බව වාර්තා වේ.
සීදුව ප්‍රදේශයේදී අත් අඩංගුවට ගත් ඔවුන් දෙදෙනා එකකුස උපන් සහෝදරයන් දෙදෙනෙකු වන අතර වයස අවුරුදු 25 සහ 29 යන වයස්වල පසුවන බව පොලීසිය පවසයි.
සැකකරුවන් දෙදෙනාව සූක්ෂ්ම ලෙස සීදුව ප්‍රදේශයේදී අත්අඩංගුවට ගෙන ඇති අතර ඔවුන් දෙදෙනා අදාළ පොල්වත්තේ හිමිකරුගේ දුරින් ඥාතීන් දෙදෙනෙකු බව ද පොලීසිය පවසයි.
ඔවුන්ගෙන් සිදුකළ ප්‍රශ්න කිරීමේදී පවසා ඇත්තේ, තමන් මත්ද්‍රව්‍ය පානය කිරීමට මුදල් නොමැති වීම හේතුවෙන් අදාළ වෑන් රථය රැගෙන ගොස් විකුණා මුදල් සොයාගැනීමට උත්සහ කළ බවයි.
කෙසේවෙතත් මුරකරු වෑන් රථයේ යතුර ඉල්ලූ විට ලබා නොදුන් නිසා ඝාතනය කළ බව ද ඔවුන් පවසා තිබේ.
පසුව මහනුවරදී වෑන් රථය විකිණීමට සූදානම් වූ අවස්ථාවේදී පොලීසිය පැමිණීම හේතුවෙන් එම ස්ථානයෙන් පලා ආ බවද සැකකරුවන් පවසා ඇත.
සැකකරුවන් දෙදෙනා මීට පෙරද අදාළ පොල්වත්තෙන් බලහත්කාරයෙන් පොල් කඩාගෙන ගොස් ඇති බවද සදහන් වේ.
ඒ අනුව සැකකරුවන් දෙදෙනා රඳවාගෙන ප්‍රශ්න කරන බව පොලීසිය පවසයි.
සිද්ධිය සම්බන්ධ වැඩිදුර විමර්ශන පුත්තලම දිසාව භාර නියෝජ්‍ය පොලිස්පති නාලක සිල්වාගේ උපදෙස් මත සහකාර පොලිස් අධිකාරී අසේල උපුලවංශගේ උපදෙස් මත වෙන්නප්පුව මූලස්ථාන පොලීසිය මඟින් සිදුකරයි.
2019 පාස්කු ඉරිදා ත්‍රස්ත ප්‍රහාර පිළිබඳ විමර්ශනවල විශ්වසනීයත්වයට, නියෝජ්‍ය ආරක්ෂක අමාත්‍ය ධූරය හොබවන මේජර් ජෙනරාල්…
මන්ත්‍රීවරුන්ට සහ ඇමතිවරුන්ට විවේචන තියෙනවා වගේම ඕනෑම මනුස්සයෙකුගේ සුදු සහ කලු යනුවෙන් පැති දෙකක් තිබෙන…
නව අගවිනිසුරු ප්‍රීති පද්මන් සූරසේන පිළිගැනීමේ චාරිත්‍රනුකූල නිල උත්සවය අද (31) ශ්‍රේෂ්ඨාධිකරණ සංකීර්ණයේදී පැවැත් වූ…
මහනුවර පෙරහැර කටයුතු සඳහා සහභාගීවී සිටි ඇත්ගොව්වෙකුගේ සහායකයෙකුගේ මළසිරුරක් අද (31) උදෑසන මහනුවර වැව් ඉවුරේ…
කොස්ගොඩ ප්‍රදේශයේ සිදුකළ වෙඩි තැබීමට පැමිණි බවට සැක කෙරෙන යතුරුපැදිය පොලීසිය විසින් සොයාගෙන තිබේ. වෙඩි…
පොලිස් භාරයේ සිටි සැකකරුවෙකු පළායාමේ සිදුවීමක් සම්බන්ධයෙන් රත්නපුර මූලස්ථාන පොලීසියේ නිලධාරීන් දෙදෙනෙකුගේ වැඩ තහනම් කර…