ඊශ්‍රායල ඉරාන යුද ගැටුමේ නවතම තත්ත්වය මෙන්න!

එක්සත් ජනපදය මැදිහත් වූ සටන් විරාමය ඉරානය උල්ලංඝනය කළ බවට චෝදනා කිරීමෙන් පසු ඊශ්‍රායල ආරක්ෂක අමාත්‍ය ඊශ්‍රායල් කැට්ස් ඉරාන අගනුවර වන ටෙහෙරානයට “දැඩි ප්‍රහාර” එල්ල කිරීමට නියෝග කර ඇති බව විදෙස් මාධ්‍ය වාර්තා කරයි.

ඉරානය එම චෝදනා​ව ප්‍රතික්ෂේප කළ අතර නමු​ත්, ඉරාන ආරක්ෂක හමුදා ඊශ්‍රායලයෙන් එල්ල විය හැකි ප්‍රහා​ර සම්බන්ධයෙන් තීරණාත්මකව ප්‍රතිචාර දැක්වීමට සූදානම්ව සිටින බවට අනතුරු අඟවයි.

අ​ද උදෑසන ඉරානය ඊශ්‍රායලයේ බෙර්ෂෙබා නගරය​ට මිසයිල ප්‍රහාර කිහිපයක් එල්ල කළ අතර එමගි​න් අවම වශයෙන් පුද්ගලයින් හතර දෙනෙකු මිය ගොස් ඇති බව වාර්තා විය.

ඊශ්‍රායලය මීට දිනකට පෙර තම න්‍යෂ්ටික මධ්‍යස්ථානවලට එල්ල කළ ප්‍රහාරවලට පළිගැනීමක් ලෙස ඊ​යේ දින ඇමරිකානු හමුදා සිටින කටාර්හි හමුදා කඳවුරකට ඉරානය මිසයිල ප්‍රහාරයක් එල්ල කළේය.‍

කෙසේ නමු​ත් ජුනි 13 වන දින ඊශ්‍රායලය ප්‍රහාරය දියත් කළ දා සිට ළමුන් 13 දෙනෙකු ඇතුළුව පුද්ගලයින් 400 කට වැඩි පිරිසක් මිය ගොස් ඇති අතර අවම වශයෙන් තවත් 3,056 දෙනෙකු තුවාල ලබා ඇති බව ඉරානය පවසයි

එමෙන්​ම ඉරාන ප්‍රහාරවලින් ඊශ්‍රායල​යේ අවම වශයෙන් පුද්ගලයින් 24 දෙනෙකු මිය ගොස් ඇති බව වාර්තා වේ.