පාතාල කල්ලි නායක සංජීව කුමාර සමරරත්න හෙවත් ගණේමුල්ල සංජීව නමැත්තාගේ ඝාතනය සම්බන්ධයෙන් දැනට 12 දෙනෙකු අත්අඩංගුවට ගෙන ඇති බව මහජන ආරක්ෂක අමාත්‍ය ආනන්ද විජේපාල පවසයි.
එමෙන්ම එම වෙඩි තැබීමේ සිද්ධියට සම්බන්ධ වී දැනට අතුරුදහන්ව සිටින ඉෂාරා සෙව්වන්දි නමැත්තිය රටින් පැන ගොස් නැති බවයි
අමාත්‍යවරයා සඳහන් කරන්නේ.
සැකකරුවන් සැකකාරියන් අල්ලා ගැනීමට දුෂ්කර වන මෙවැනි විරල සිද්ධි එකක් දෙකක් ඇතිවිය හැකි බවද, සැකකාරිය ගැන යම් යම් තොරතුරු වෙනත් සැකකාරියන් හරහා අනාවරණය වී ඇති බවද අමාත්‍යවරයා පවසයි.
උසාවියේ ආරක්ෂාවේ අඩුපාඩුවක් හේතුවෙන් එම සිද්ධිය සිදු වූ බව පැවසූ ආනන්ද විජේපාල අමාත්‍යවරයා ප්‍රහාරය පිළිබඳව කල්තියා නිශ්චිත තොරතුරක් ලැබී නොතිබුණු බව අවධාරණය කර සිටී.
ගනේමුල්ල සංජීව නමැත්තාට ජීවිත තර්ජනයක් ඇති බවට තොරතුරු අනාවරණය වීමෙන් පසු ඔහුගේ ආරක්ෂක විධි විධාන දැඩි කළ බවද ඔහු බන්ධනාගාරයේ සිට උසාවියට රැගෙන එන අවස්ථාවේදී විශේෂ ආරක්‍ෂාවක් දුන්නේ ඒ නිසා බවද ඔහු වැඩිදුරටත් පවසයි.
මනුෂ්‍ය ඝාතන ඇතුළු අපරාධ රැසක් මෙහෙය වූ පාතාල කල්ලි නායක ගනේමුල්ල සංජීව නමැත්තා ඉකුත් පෙබරවාරි මස 19 වෙනි දින බූස්ස බන්ධාගාරයේ සිට කොළඹ අලුත් කඩේ අංක 5 මහේස්ත්‍රාත් අධිකරණය වෙත දැඩි ආරක්ෂාව මධ්‍යයේ රැගෙන වීමෙන් අනතුරුව විත්ති කූඩුව මත සිටියදී නීතිඥ වෙස් ගෙන පුටුවක අසුන් ගෙන සිටි වෙඩික්කරු එකවරම අසුනෙන් නැගිට කූඩුව අසලටම පැමිණ වෙඩි ප්‍රහාරයක් එල්ල කර ගිනි අවිය එම ස්ථනයේම දමා පලා ගොස් තිබුණි.
අනතුරට ලක් වූ ධීවර යාත්‍රාවේ අතුරුදන්ව සිටි ධීවරයින් දෙදෙනාගෙන් එක් ධීවරයෙකු යාත්‍රාවේ සිරවී සිටියදී බේරාගෙන…
අනුරාධපුර තිරප්පනේ ගල්කුලම ප්‍රදේශයේ සිදුකළ වෙඩි තැබීමේ සිද්ධිය සම්බන්ධයෙන් පුද්ගලයින් 05 දෙනෙකු අත්අඩංගුවට ගෙන ඇති…
ඉරානයට නැවතත් පහරදීමට තමන් සලකා බලන බව අමෙරිකානු ජනාධිපති ඩොනල්ඩ් ට්‍රම්ප් පවසා ඇතැයි විදෙස් මාධ්‍ය…
ජුලි මස 01 වනදා සිට ක්‍රියාත්මක වන පරිදි බස් රථවල රියදුරන් ආරක්ෂිත ආසන පටි පැළඳීම…
දෙවුන්දර ධීවර වරායෙන් පිටත් වූ ධීවර යාත්‍රාවේ සිටි අතුරුදන් ධීවරයින් 04 දෙනෙකු අතුරින් දෙදෙනෙකුගේ සිරුරු…
හදිසි රැස්වීමක් සඳහා පාර්ලිමේන්තුව ලබන 30 සඳුදා කැඳවීමට නියමිත බව වාර්තා වේ. අගමැතිවරියගේ ඉල්ලීමක් අනුව…