සමාජ මාධ්‍යවල පළ කළ ඊශ්‍රායල විරෝධී සටහනක් සම්බන්ධයෙන් ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවාගෙන සිටි 21 හැවිරිදි ගුවන් සේවා ශිෂ්‍යයකු වන මොහොමඩ් සුහයිල් නිදහස් කිරීමට ගල්කිස්ස මහේස්ත්‍රාත් අධිකරණය නියෝග කර ඇත.
අද (15) අධිකරණ කටයුතු අතරතුර, මොහොමඩ් සුහයිල් විවෘත අධිකරණයට ඉදිරිපත් කර ඇත.
ශ්‍රී ලංකා පොලිසිය නියෝජනය කරමින් දෙහිවල පොලිස් ස්ථානයේ ස්ථානාධිපති අනුරාධ හේරත්, මොහොමඩ් සුහයිල් ඇප මත මුදා හරින ලෙස ඉල්ලා නීතිපතිවරයාගේ නිර්දේශය මහේස්ත්‍රාත්වරයාට ඉදිරිපත් කලේය.
මෙය සැළකිල්ලට ගනිමින්, ගල්කිස්ස මහේස්ත්‍රාත්වරයා මොහොමඩ් සුහයිල් ඇප මත මුදා හරින ලෙස පොලිසියට උපදෙස් දී ඇති අතර මොහොමඩ් සුහයිල් වෙනුවෙන් ජ්‍යෙෂ්ඨ නීතිඥ ගීත්මා ප්‍රනාන්දු, නීතිඥ ඉල්හාම් හසානාලි, අෂ්රෆ් මුක්තාර් සහ බෙහ්ෂාඩ් යන අය සහභාගී විය.
මාවනැල්ල පදිංචි මොහොමඩ් සුහයිල් දෙහිවල ඊශ්‍රායල කොන්සියුලර් පරිශ්‍රය අසලදී 2024 වසරේ ඔක්තෝබර් මාසයේදී අත්අඩංගුවට ගෙන තිබුණි.
ජාතික හැඳුනුම්පත රැගෙන නොයෑම හේතුවෙන් මුලින් රඳවා තබා ගත්තද, එය ඉදිරිපත් කිරීමෙන් පසු අධිකරණය විසින් ඔහුව නිදහස් කරන ලද අතර, ඊශ්‍රායල ධජය පාගා දමන ආකාරය දැක්වෙන ඉන්ස්ටග්‍රෑම් සටහනක් මත පදනම්ව ත්‍රස්තවාදය වැළැක්වීමේ පනත යටතේ කෙටි කලකට පසු නැවත ඔහු අත්අඩංගුවට ගෙන ඇත.
කෙසේවෙතත්, පසුගිය සතියේ, දෙහිවල පොලිස් ස්ථානාධිපතිවරයා අධිකරණයට දැනුම් දුන්නේ ඔහුට එරෙහිව කිසිදු සාක්ෂියක් හමු නොවූ බැවින් ඇප ලබා දීමට විරුද්ධත්වයක් නොමැති බවයි.
දෙහිවල පොලිසිය තවදුරටත් දැනුම් දුන්නේ 21 හැවිරිදි තරුණයා ත්‍රස්තවාදය වැළැක්වීමේ පනත යටතේ මාස නවයකට ආසන්න කාලයක් රඳවාගෙන සිටියද, ඔහු කිසිදු වරදක් කර නොමැති බවයි.
අමෙරිකානු තීරු බදු සම්බන්ධයෙන් සාකච්ඡා කිරීම සඳහා මෙරට නියෝජිතයින් පිරිසක් එළැඹෙන 18 වනදා අමෙරිකාව බලා…
පසුගිය පළාත් පාලන මැතිවරණයෙන් විපක්ෂයට වැඩි බහුතරයක් හිමි සීතාවකපුර නගර සභාවේ බලය තහවුරු කිරීමට සමගි…
තංගල්ල පොලීසියේ කාන්තා පොලිස් නිලධාරිනියකට ලිංගික අතවර කිරීමේ චෝදනාවක් සහ බැන තර්ජනය කිරීමේ සිද්ධියක් සම්බන්ධයෙන්…
විද්‍යුත් වාණිජ්‍ය කටයුතු සඳහා තාවකාලික වශයෙන් මෙහෙයුම් සහනයක් ලබා දීම සහ ඒ සම්බන්ධයෙන් දිගුකාලීන නියාමන…
කිරි ගවයන් වෙනුවට ඉහළ තත්ත්වයෙන් යුත් ගව ශුක්‍රාණු ආනයනය කිරීමට පියවර ගන්නා බව කෘෂිකර්ම නියෝජ්‍ය…
බේරුවල නගර සභාවේ නගරාධිපති හා උප නගරාධිපති පත්කිරීමේදී ජාතික ජන බලවේගයට සහාය දුන් බේරුවල නගර…