අග්නිදිග විශ්ව විද්‍යාලයේ සිසුන් දෙපිරිසක් අතර ඊයේ (15) අලුයම ඇති වු ගැටුමක් හේතුවෙන්, ඉංජිනේරු පීඨයේ පළමු වසර සිසුන්ට විශ්ව විද්‍යාලය තාවකාලිකව වසා දමා ඇති බව වාර්තා වේ.
අග්නිදිග විශ්වවිද්‍යාලයේ ඉංජිනේරු පීඨයේ පළමු වසරේ සිසුන්ට, එම විශ්ව විද්‍යාලයේ ජේෂ්ඨ සිසුන් පිරිසක් විසින් සිදුකළ පහරදිමක් හේතුවෙන් සිසුන් සිව්දෙනෙකු ඇතුලු පස්දෙනෙකු රෝහල් ගතකර තිබුණි.
තුවාල ලැබූවන් අක්කරෙයිපත්තුව මූලික රෝහලට සහ ඔලු‍විල් ප්‍රාදේශීය රෝහලට ඇතුලත් කර ඇත.
මෙම ගැටුමත් සමග අද (16) පැවැත්වීමට නියමිතව තිබූ විභාග කටයුතු කල්දමා තිබෙන අතර විශ්වවිද්‍යාල පාලනාධිකාරිය සඳහන් කළේ, අග්නිදිග විශ්වවිද්‍යාලයේ ඉංජිනේරු පීඨයේ පළමු වසරේ සිසුන්ට ඊයේ රාත්‍රියේ 08ට පෙර නේවාසිකාගාර වලින් පිටව යන ලෙස දැනුම් දී ඇති බවයි.
මේ අතර, අග්නිදිග විශ්වවිද්‍යාලයේ සිසුන් පිරිසක් අතර ඇති වූ ගැටුම සම්බන්ධයෙන් විශ්වවිද්‍යාල ප්‍රතිපාදන කොමිෂන් සභාව විසින් වාර්තාවක් කැඳවා ඇති අතර අදාළ ගැටුම සම්බන්ධයෙන් අංශ කිහිපයක් ඔස්සේ පොලිසිය සහ විශ්වවිද්‍යාල බලධාරීන් පරීක්ෂණ ආරම්භ කර තිබුණි.
පොලිසිය සදහන් කළේ, මීට පෙර සිදුවූ නවකවද සිදුවීමක් මෙම ගැටුමට හේතු වී ඇති බවයි.
ඊයේ අලුයම සිදුවූ ගැටුමට මෙම සිදුවීම මුල් වී ඇති බවට සැකකෙරෙන අතර කෙසේ නමුත් මෙම සිද්ධියට අදාළව මේ වනතෙක් කිසිවෙකුත් අත්අඩංගුවට ගෙන නැත.
මාධ්‍යවේදී ප්‍රගීත් එක්නැලිගොඩ පැහැරගෙන ගොස් අතුරුදන් කිරීමේ සිද්ධියට අදාළ නඩුවේ සාක්ෂිකරුවකු ලෙස අපරාධ පරීක්ෂණ දෙපාර්තමේන්තුවේ…
රුපියල් කෝටි දහයක් පමණ වටිනා සුඛෝපභෝගී මෝටර් රථයක් නීති විරෝධීව එකලස් කිරීමේ සිදුවීමට අදාළ නඩුව…
කහවත්ත ප්‍රදේශයේදී තරුණයෙකු දණගස්වා වෙඩි තබා ඝාතනය කර තවත් අයෙකුට තුවාල සිදුකිරීමේ සිද්ධිය සම්බන්ධයෙන් සිදුකෙරෙන…
අනුරාධපුර ශික්ෂණ රෝහලේ පුහුණ විශේෂඥ වෛද්‍යවරියක අතවරයට ලක්කිරීමේ සිද්ධිය සම්බන්ධයෙන් යළිත් ප්‍රකාශයක් කිරීමට අධිකරණයේ අවසරය…
වැලිගම, උඩුකාව පදිංචි වැලිගම ප්‍රදේශීය සභාවේ ජාතික ජන බලවේගයේ මන්ත්‍රී නිතීඥ තාරක නානායක්කාරගේ නිවසට වෙඩි…
අමෙරිකානු තීරු බදු සම්බන්ධයෙන් සාකච්ඡා කිරීම සඳහා මෙරට නියෝජිතයින් පිරිසක් එළැඹෙන 18 වනදා අමෙරිකාව බලා…