පානදුර පොලිස් වසමේදී පුද්ගලයෙකු වෙඩිතබා ඝාතනය කිරීමට තැත් කිරීමේ සිද්ධියකට පොලීසියට අවශ්‍යව සිටි පුද්ගලයෙකු අද (22) කටුනායක ගුවන්තොටුපොළ අපරාධ පරීක්ෂණ දෙපාර්තමේන්තු නිලධාරීන් විසින් අත්අඩංගුවට ගෙන ඇති බව වාර්තා වේ.
සැකකරු මැලේසියාව වෙත පලායෑමට මෙලෙස ගුවන්තොටුපොළ වෙත පැමිණ සිටියදී මුහුණු මගින් පුද්ගලයින් හඳුනාගැනීමේ පද්ධතිය හරහා සැකකරු හඳුනාගෙන ඇත.
රමේෂ් පේෂල නමැති 28 හැවිරිදි සැකකරු ඉකුත් 11 වනදා පානදුර පොලිස් වසමේ හිරණ ප්‍රදේශයේදී හෂිත දුලාජ් නැමති අයෙකුට වෙඩිතබා ඝාතනය කිරීමට තැත් කිරීමේ සිද්ධියට අවශ්‍යකර සිටින පුද්ගලයෙකු බවට හඳුනාගෙන තිබුණි.
අදාළ සැකකරු අද උදෑසන 10:40ට මැලේසියාව බලා පිටත්ව යන එයාර් ඒෂියා ගුවන් සේවයේ ඒ.කේ.- 44 දරන ගුවන්යානයට පිවිසීම සඳහා කටුනායක ගුවන්තොටුපොළ වෙත පැමිණ සිටියදී මෙලෙස අත්අඩංගුවට ගෙන ඇත.
පසුව පානදුර පොලීසියේ අපරාධ විමර්ශන අංශයේ නිලධාරීන් පිරිසක් පැමිණ සැකකරු රැගෙන ගොස් ඇත.
ගල්ගමුව ප්‍රදේශයේ තවත් දළ ඇතෙක් අභිරහස් ලෙස මියගොස් ඇති බව වාර්තා වේ. ඇහැටුවැව මුදියන්නෑගම ගාලයාය…
2022 වසරේ මැයි මස 09 වනදා ගාලුමුවදොර "ගෝඨා ගෝ ගම" අරගලයට පහර දීමේ සිද්ධියේ සැකකරුවකු…
මාසයකට පමණ පෙර මියගොස් ඇති බවට සැක කෙරෙන අලි දෙදෙනෙකුගේ සහ ඇතෙකුගේ මළ සිරුරු දඹුල්ල…
ජනාධිපති අනුර කුමාර දිසානායක විසින් ශ්‍රේෂ්ඨාධිකරණ විනිසුරු ප්‍රීති පද්මන් සූරසේන ශ්‍රී ලංකාවේ ඊළඟ අගවිනිසුරුවරයා ලෙස…
අල්ලස් කොමිසම විසින් අත්අඩංගුවට ගත් හිටපු අමාත්‍ය මනූෂ නානායක්කාරගේ පුද්ගලික ලේකම් වශයෙන් කටයුතු කළ ශාන්…