මිනිස්සුන්ගෙ හොඳ සහ නරක පැත්ත ගැන ලාල්ගෙන් ප්‍රකාශයක්!

මන්ත්‍රීවරුන්ට සහ ඇමතිවරුන්ට විවේචන තියෙනවා වගේම ඕනෑම මනුස්සයෙකුගේ සුදු සහ කලු යනුවෙන් පැති දෙකක් තිබෙන බව කෘෂිකර්ම, වාරිමාර්ග, පශු සම්පත් අමාත්‍ය කේ.ඩි. ලාල් කාන්ත පවසයි.

ඊයේ (30) පැවති රැස්වීමකට එක්වෙමින් ඔහු මේ බව සඳහන් කළා.

එහිදී වැඩිදුරටත් අදහ්ස් දැක්වූ ඔහු කියා සිටියේ,

‘ආර්ථික සංවර්ධන නිලධාරී’ කියන එක පට්ට නමක්නේ මේක. නමුත් ආර්ථිකය කඩා වැටිලා. ඒක පට්ට වැඩක්. ආර්ථික සවර්ධන නිලධාරී කිව්වම ඒක මාර නමක්. ඒකේ සීමාවක් නෑ, ඒක විශාලයි. මට මතකයි බන්දුල ඇමතිතුමා ඉන්න කාලේ 2001 විතර වෙනකොට, 2001 ඉදන් 2004 විතර වෙනකන් ආර්ථික සංවර්ධන කටයුතු පිළිබඳ අමාත්‍යංශය කියලා තමයි එයාගේ අමාත්‍යංශය තිබ්බේ. ඒකට සීමාවක් නෑ. බෝක්කුවේ වැඩක් කරන්නත් පුලුවන් පාලමේ වැඩක් කරනන්ත් පුලුවන්, ඒ ගමට ලයිට් දෙන්නත් පුලුවන්, ඒ ගමේ ළිඳක් කපන්නත් පුලුවන්, ඒකෙන් ක්ෘෂිකර්මයට මැදිහත් වෙන්නත් පුලුවන්. කපටි නමක් මිනිහා දාගෙන තියෙන්නේ. ආර්ථික මධ්‍යස්ථාන වලටත් සම්බන්හ වෙන්න පුලුවන්, ඒකෙන් ඕන එකකට සම්බන්ධ වෙන්න පුලුවන්…

ඊට පස්සේ සන්ධාන ආණ්ඩු හැදිච්ච වෙලාවේ ඒ කටයුතු ටිකේ ඇමති බවට පත්වුණේ මං. අපි දාගත්තේ ‘කුඩා හා ග්‍රාමීය කර්මාන්ත’ වගෙ ඒවා. මම බන්දුලයගේ පුටුවෙමයි වාඩි වුණේ. හැබැයි අපරාදේ කියන්න බෑ ඒ මනුස්සයා පහුවදා ආවා, ඇවිල්ලා එයා කරගෙන ගියපු වැඩ අරවා මේවා ඔක්කෝම ටික මට පැහැදිලි කලා ඉතුරු ටික කරගෙන යන්න කියලා.

ඉතින් එක එක මැති ඇමතිවරුන්ට විවේචන තියෙනවා වගේම මිනිස්සුන්ගේ සමහර හොඳ කෑලිත් තියෙනවා. ඔක්කොම කලු අයත් නෑ. ඔක්කොම සුදු අයත් නෑනේ. දැන් මම මෙතන ඉන්නකොට ඔයාලට හරි සුදට පේන්නේ හොඳයි වගේ. මෙතනින් ගියාට පස්සේ මම කලු වැඩ කරන්න පුලුවන්. අපි ගන්න ඕනේ මනුස්සයෙක්ගේ හොඳ පැත්ත විතරයි. හොඳ පැත්ත කතා කරන්න කරන්න මම සහතික කරලා කියන්නම් ඒ මනුස්සයා හොඳ වෙනවා. නරක පැත්ත කතා කරන්න කරන්න ඒ මනුස්සයගේ මනස ඒ පැත්තට කඩන් වැටෙනවා.”