කහවත්ත, පලන්සූරියගම ප්‍රදේශයේදී පසුගියදා තරුණයෙකු වෙඩි තබා ඝාතනය කිරීමේ සිද්ධිය සම්බන්ධයෙන් රක්ෂිත බන්ධනාගාර ගත කර සිටි සැකකරුවන් අටදෙනෙකු අද (05) පැල්මඩුල්ල මහෙස්ත්‍රාත් අධිකරණයට ඉදිරිපත් කර ඇති අතර එහිදී හඳුනාගැනීමේ පෙරට්ටුවට ඉදිරිපත් කරන ලද සැකකරුවන් දෙදෙනාම සාක්ෂිකරුවන් විසින් මෙහිදී හඳුනාගෙන ඇති බව වාර්තා වේ.
පසුගිය ජුනි මස 30 වැනිදා කහවත්ත, පලන්සූරියගම හල්ලිද ප්‍රදේශයේ පදිංචි සුරංජන නම් 22 හැවිරිදි තරුණයෙකු පොලීසියෙන් බව පවසා පිරිසක් විසින් පැහැරගෙන ගොස් එම ප්‍රදේශයේ මාර්ගයක් අසල වෙඩි තබා ඝාතනය කර තිබුණි.
එකී සිදුවීම සම්බන්ධයෙන් බස්නාහිර පළාත් උතුර අපරාධ කොට්ඨාසය සහ රත්නපුර කොට්ඨාස අපරාධ ඒකකය විසින් සිදු කරන ලද විමර්ශනයේදී සැකකරුවන් 06 දෙනෙකු අත්අඩංගුවට ගත් අතර තවත් සැකකරුවන් දෙදෙනෙකු පොලීසිය භාර විය.
ඒ අනුව අද හඳුනා ගැනීමේ පෙරට්ටුවට පොලීසියට භාර වූ සැකකරුවන් දෙදෙනා ඉදිරිපත් කළ අතර එහිදී ඝාතනයට ලක්වූ පවුලේ ඥාතීන් විසින් එම සැකකරුවන් දෙදෙනා හඳුනා ගනු ලැබීය.
හත්වෙනි සහ අටවෙනි විත්තිකරුවන් එලෙස හඳුනාගෙන ඇති අතර නමවැනි විත්තිකරු ඉදිරි දිනයක හඳුනාගැනීමේ පෙරට්ටුවකට ඉදිරිපත් කිරීමටද නියමිතව ඇත.
මෙහිදී සැකකරුවන් 08 දෙනා එළැඹෙන 19 වැනිදා තෙක් රක්ෂිත බන්ධනාගාරගත කිරීමට පැල්මඩුල්ල මහෙස්ත්‍රාත් නුතිනන් සිරිවර්ධන නියෝග කළේය.
සැකකරුවන් අධිකරණයට ඉදිරිපත් කිරීමේදී පැල්මඩුල්ල මහෙස්ත්‍රාත් අධිකරණය ඉදිරිපිට සහ අධිකරණ භූමිය තුළ දැඩි ආරක්ෂාවක් යෙදවීමටද පොලීසිය පියවර ගෙන තිබුණි.
මධ්‍යම සහ දකුණු ගාසා තීරයේ මානුෂීය ආධාර බෙදා හරින ස්ථානවලට ඊශ්‍රායලය එල්ල කරන ප්‍රහාර තිව්‍ර…
රටතුළ ව්‍යාප්තව ඇති විෂ මත්ද්‍රව්‍ය මර්දනය කිරීම සඳහා මෙන්ම සංවිධානාත්මක අපරාධකරුවන් අත්අඩංගුවට ගැනීම සඳහා ශ්‍රී…
දේශබන්දු තෙන්නකෝන් පොලිස්පති ධුරයෙන් ඉවත් කිරීම සඳහා පැවැති ඡන්ද විමසීමේදී යෝජනාවට පක්ෂව ඡන්ද 177ක් සහ…
කීර්තිබණ්ඩාර පුර රථවාහන අංශයේ ස්ථානාධිපතිවරයා අත්අඩංගුවට ගෙන ඇති බව වාර්තා වේ. අල්ලස් හෝ දූෂණ චෝදනා…
ජාතික ළමා ආරක්ෂක අධිකාරි පනත සංශෝධනය කිරීමට කැබිනට් අනුමැතිය හිමිව තිබේ. 1998 අංක 50 දරන…
2012 සහ 2021 දී පත් කරන ලද කමිටුවල නිර්දේශ සමාලෝචනය කිරීමට සහ වැඩිදුර නිර්දේශ ලබා…