වෛරසයක් හේතුවෙන් හාවන්ගෙන් ‘අං’ මතුවෙයි!

කොලරාඩෝවේ හි ජීවත් වන හාවුන් වර්ගයක් ‘අං’ මෙන් වැඩෙන වෛරසයකින් පීඩා විඳින පුවතක් විදෙස් මාධ්‍ය වාර්තා කරයි.

“ෂොපේ පැපිලෝමා” නමින් හැඳින්වෙන මෙම වෛරසය සහිත හාවුන්ගේ මුහුණුවලින් ‘අං’ මෙන් නෙරාඑන ඉන්නන් වර්ගයක් වර්ධනය වීමෙන් මෙම වසංගත තත්ත්වය හට ගෙන ඇති බවයි වාර්තා වන්නේ.

විද්‍යාඥයින් පවසන්නේ මෙය බිය විය යුතු තත්ත්වයක් නොවන අතර, ලොම් සහිත ජීවීන්ට සාපේක්ෂව මුහුණදීමට සිදුවන පොදු වෛරසයක් බවත්ය.

‘ෆ්‍රැන්කන්ස්ටයින් බනීස්’ (Frankenstein bunnies), යක්ෂ හාවන් (demon rabbits) සහ “සොම්බි හාවන් (zombie) යනුවෙන් අන්වර්ථ නාම් රැසකින් මෙම සතුන් හඳුන්වනු ලබන බව විදෙස් මාධ්‍ය වාර්තා කරයි.

මෙම සත්වයින් බොහෝමයක් ප්‍රසිද්ධියට පත්ව ඇත්තේ ඩෙන්වර් සිට සැතපුම් 65ක් උතුරින් පිහිටි ෆෝර්ට් කොලින්ස් ප්‍රදේශයේ පදිංචිකරුවන් විසින් ඡායාරූප පළ කිරීම නිසාවෙනි.

කොලරාඩෝ උද්‍යාන සහ වනජීවී ප්‍රකාශිකාවක් වන කාරා වැන් හූස් පවසා ඇත්තේ, මෙම වෛරසය‍ මැක්කන් සහ කිනිතුල්ලන්ගෙන් ව්‍යාප්ත වන බවයි.

මේ අතර විශේෂයෙන් මෙම වෛරසය හාවුන්ගෙන් වෙනත් හාවන් වෙත පැතිර යා හැකි නමුත් මිනිසුන් සහ සුරතල් සතුන් ඇතුළු අනෙකුත් විශේෂවලට පැතිර යා නොහැකි බවත් ඇය වැඩිදුරටත් සඳහන් කරයි.

මෙම වෛරසය ඉන්නන්ට සමාන නමුත් ඒවා දිගු වුවහොත් ‘අං’ මෙන් දර්ශනය වන බව ද කාරා වැන් හූස් පවසා තිබේ.