ලංකාව තුළ සමලිංගිකත්වය ව්‍යාප්ත කිරීම සඳහා විදේශීය සංවිධාන සමග එක්වී පිරිසක් කටයුතු කරමින් සිටින බව අතිඋතුම් කාදිනල් මැල්කම් රංජිත් හිමිපාණෝ පවසයි.
උන්වහන්සේ ඊයේ (අගෝ. 14) මාධ්‍ය වෙත අදහස් දක්වමින් මේ පිළිබඳව පැවසීය.
තවද, ඇතැම් දේශපාලන පක්ෂ මෙන් ම දේශපාලන නායකයින් ද මේ සඳහා සම්බන්ධ බව උන්වහන්සේ අවධාරණය කරයි.
එහිදී කාදිනල් මැල්කම් රංජිත් හිමියන් අදහස් දක්වමින් කියා සිටියේ,
“ලංකාව තුළ ළඟදි ඉඳන් සිදුවෙමින් පවතින භයානක තත්ත්වයක් ගැන අනතුරු ඇඟවීමක් කරන්න මම කල්පනා කළා. ලංකාව තුළ සමලිංගික අයිතිවාසිකම් පිළිබඳ වැඩසටහන් මාලාවක් ඇතැම් විදේශීය සංවිධානවල ආධාර ඇතිව ව්‍යාප්ත වෙමින් පවතිනවා. ඒ සංවිධානවලට ලංකාවේ තරුණ තරුණියන් බඳවා ගැනීමේ ව්‍යාපාරයක් මේ වනවිට සංවිධානය වෙමින් පවතිනවා.”
මානසික රෝගීන් බලන වෛද්‍යවරුන් පිරිසක් ඉදිරිපත් වෙලා ඉන්නවා යම්කිසි දරුවෙක් තමන්ගේ ලිංගික අනන්‍යතාවය වෙනස් කරන්නට අදහස් කරනවා නම් ඒ මානසික වෛද්‍යවරු ළඟට ගියාම ඔවුන්ගෙන් ඒ පිළිබඳ සහතිකයක් ලබාගෙන ඔවුන්ට පුළුවන් වෙනවා තමන් පිරිමි කෙනෙක් හැටියට ඉපදුනා නම් ගැහැණු බවට ප්‍රකාශ කරලා සහතිකයක් ලබාගන්න. ඒ අයට පුළුවන් වෙනවා ඒක අරගෙන ගිහිල්ලා තමන් පිරිමි කෙනෙක් ලෙස ඉපදුනත් ගැහැණු කෙනෙක් හැටියට උප්පැන්න සහතිකයක් ලියා ගන්න අවසර ලැබිලා තියෙනවා. ඒ අවසර අනුව සෞඛ්‍ය අමාත්‍යාංශය විසින් සහතික කරන ලද සහතිකයක් ඔවුන්ට ලබා දෙනවා. මේ සහතිකය අරගෙන ගියහම ඔවුන්ගේ ලිංගයටම අයත් කෙනෙකු සමග විවාහ වීමට හැකියාව ලැබෙනවා.
විවාහ සංස්ථාව දෙදරා යෑමේ වැඩපිළිවෙළක් වෙත රට ගෙන යන්න මේ වැඩපිළිවෙළ රහසිගත ලෙස ක්‍රියාත්මක වෙමින් තිබෙනවා. සමහර දේශපාලන පක්ෂ සහ දේශපාලන නායකයන් මේ වැඩපිළිවෙලට ආශිර්වාද කරන බව මට දැනගන්නට ලැබිලා තියෙනවා. මේ තත්ත්වය අපේ රටේ අනාගතයටත්, අපි හුඟක් ගෞරව කරන බුද්ධ ශාසනයටත් විශාල ප්‍රශ්නයක් විය හැකි අනාගතයේදී.
අපි මේ පිළිබඳව අවධානය යොමු කරන්න උත්සාහ කළාම ඒ අය අපිට දොස් කියනවා අපි ඒ අයගේ මානව හිමිකම් වලට ගෞරව කරන්නේ නැහැ කියලා. වංචනික ක්‍රම වලින් මනුෂ්‍යත්වය වෙනස් කරන්නට ඒ නීති රීති හදනවා නම් රටේ ආයතන ක්‍රියාත්මක වෙනවනම් ඒක වංචනිකව රටේ අනාගතය අඳුරට හෙලීමේ වැඩපිළිවෙළක් හැටියට අපි හඳුන්වාදිය යුතුයි.
කවුරු හරි දරුවෙක් සංක්‍රාන්තික ලිංගික අවශ්‍යතාවයකින් පෙලෙනවා නම්, ඒ වගේ තත්ත්වයකට පත්වෙලා ඉන්නවා නම් ඒ අයට හිරිහැර කිරීමේ කටයුතු කරන්න සුදුසු නැහැ. ඒ හැම දරුවෙකුටම ගෞරවයෙන් සැලකීම අපේ යුතුකමක් වෙනවා.”
මත්ද්‍රව්‍ය උවදුර දැනටමත් මෙරට බරපතළ ගැටළුවක් බවට පත්ව ඇති අවස්ථාවක, වාණිජමය වශයෙන් කංසා වගා කිරීමට…
හිටපු රාජ්‍ය අමාත්‍ය ලොහාන් රත්වත්තේ ජීවිතක්ෂයට පත්ව ඇති බව වාර්තා වේ. මිය යන විට ඔහු…
හිටපු ප්‍රාදේශීය සභා මන්ත්‍රී ශාන්ත මුදුන්කොටුව හෙවත් 'බනා මන්ත්‍රී' නැමැත්තා ඝාතනය සම්බන්ධයෙන් වැදගත් තොරතුරු රැසක්…
මහනුවර දිස්ත්‍රික්කයේ ප්‍රාදේශීය රෝහලක ගිලන් රථ රියැදුරකු සෞඛ්‍ය කාර්ය සහයිකාවකට ගිලන් රථයක් තුළ දී අතවර…
අද මධ්‍යම රාත්‍රියේ සිට වෙන්කළ ආසන සහිත දුම්රිය ධාවන රාජකාරීවලින් ඉවත්වීමට දුම්රිය නියාමක සංගමය ගත්…
ගැටලාව වැවේ තිබී උණ්ඩ සොයා ගැනීමේ සිද්ධියෙන් අනතුරුව සිදු කළ විශේෂ සෝදිසි මෙහෙයුමෙන් පසුව තවත්…