හිටපු ප්‍රාදේශීය සභා මන්ත්‍රී ශාන්ත මුදුන්කොටුව හෙවත් ‘බනා මන්ත්‍රී’ නැමැත්තා ඝාතනය සම්බන්ධයෙන් වැදගත් තොරතුරු රැසක් බස්නාහිර උතුර අපරාධ කොට්ඨාසය මඟින් අනාවරණ කරගෙන තිබේ.
ඒ අත්අඩංගුවට ගත්, අදාළ ඝාතනයේ මෝටර් රථය පැදවූ රියදුරාගෙන් සිදුකළ ප්‍රශ්න කිරීම්වලදීය.
ලලිත් කන්නන්ගර හෙවත් ‘බස් ලලිත්’ අදාළ ඝාතනය වෙනුවෙන් තමන්ට රුපියල් ලක්ෂ 3ක මුදලක් ලබාදෙන බවට පොරොන්දු වූයේයැයි ඔහු එහිදී පවසා ඇත.
බස් ලලිත් තමන් අමතා “ශාන්ත මගේ යාළුවා. ඒ වුණාට ඌට ගහන්න ඕනේ. ඌ රෙස්ටූරන්ට් එකක් හදනවා. ඒකට ඉන්ටර් ලොක් ගල් අල්ලන්න ඕන කියලා ලලිත් අයියා කිව්වා කියපන්. ඒකට ගෙනාපු බඩු බාන්න ඕනේ කියලා ශාන්තට කෝල් කරපන්. පස්සේ ලොකේෂන් එක එව්වම, එහෙම එන්න අමාරුයි, ඇවිල්ලා පාර පෙන්නන්න කියපන්. එහෙම ආවාම ගහපන්” කියලා මට ලලිත් අයියා කිව්වා” යනුවෙන් සැකකරු පොලිසිය හමුවේ අනාවරණ කර ඇත.
එම උපදෙස් අනුව තමා ‘බනා මන්ත්‍රී’ව ගෙන්වාගෙන ඔහු පසුපස හඹා ගොස් සැලසුම ක්‍රියාත්මක කළ බව සැකකරු වැඩිදුරටත් පවසා ඇත.
එමෙන්ම වෙඩික්කරු සම්බන්ධයෙන් කිසිඳු තොරතුරක් තමන් නොදන්නා බවත් ඔහුව ප්‍රවාහනය කිරීම පමණක් සිදුකළ බවත් සැකකරු පවසා ඇති බව වාර්තා වේ.
බස් ලලිත් විසින් ඔහුගේ මත්ද්‍රව්‍ය ප්‍රවාහනය කිරීම සඳහා තමන්ට ලබාදී තිබූ මෝටර් රථයෙන් ගොස් ඝාතනය සිදුකිරීමට සූදානම් වුවද, එහි හටගත් කාර්මික දෝෂයක් හේතුවෙන් වෙනත් මෝටර් රථයක් භාවිත කළ බව සැකකරු පොලීසිය හමුවේ පවසා ඇත.
ඒ අනුව විශේෂ විමර්ශන කාර්යාංශයේ බුද්ධි තොරතුරු මත බස්නාහිර දකුණ අපරාධ කොට්ඨාසය මඟින් අදාළ මෝටර් රථය අද සිය භාරයට ගත් අතර එහිදී අනාවරණ වී තිබුණේ එයද ව්‍යාජ ලිපිලේඛන මඟින් ලියාපදිංචි කළ එකක් බවයි.
ඝාතනය වූ බනා මන්ත්‍රී නැමැත්තා ‘බස් ලලිත්’ සමග සමීප සබඳතාවක් පවත්වා ඇති අතර ‘බස් ලලිත්’ ප්‍රදේශයේ ව්‍යාපාරිකයන් කප්පම් ලබාගැනීම සඳහා තර්ජන සිදුකරන අවස්ථාවලදී ඒ පිළිබඳව ව්‍යාපාරිකයන් විසින් ‘බනා මන්ත්‍රී’ නැමැත්තාට දැනුම්දීමෙන් අනතුරුව ඔහු මැදිහත්වී එම කප්පම් මුදල් ලබානොගන්නා ලෙස ‘බස් ලලිත්ගෙන්’ ඉල්ලීම් කර ඇතැයිද වාර්තා වේ.
ඒ අනුව අවශ්‍ය පරිදි කප්පම් ලබාගැනීමට නොහැකි වීම නිසා ප්‍රදේශයේ ව්‍යාපාරිකයන් තවදුරටත් බියගැන්වීමේ අරමුණින් ‘බස් ලලිත්’ නැමැත්තා විසින් මෙම ඝාතනය සිදුකර ඇති බවට තොරතුරු ලැබී ඇතැයිද පොලීසිය සඳහන් කළේය.
මේ අතර බස්නාහිර දකුණ අපරාධ කොට්ඨාසයේ රඳවාගෙන ප්‍රශ්න කරනු ලබන සැකකාර රියදුරාගෙන් සිදුකළ වැඩිදුර ප්‍රශ්න කිරීම්වලදී ඔහු පවසා ඇත්තේ, කොටහැර පොඩ්ඩාට හා දෙමටගොඩ රුවන්ට වෙඩිතැබීමට තැත්කිරීමේ සිද්ධිවල ද යතුරුපැදිකරු ලෙස තමන් කටයුතු කළ බවයි.
සිද්ධිය සම්බන්ධ වැඩිදුර විමර්ශන බස්නාහිර දකුණ අපරාධ කොට්ඨාසය මඟින් සිදුකරයි.
මත්ද්‍රව්‍ය උවදුර දැනටමත් මෙරට බරපතළ ගැටළුවක් බවට පත්ව ඇති අවස්ථාවක, වාණිජමය වශයෙන් කංසා වගා කිරීමට…
ලංකාව තුළ සමලිංගිකත්වය ව්‍යාප්ත කිරීම සඳහා විදේශීය සංවිධාන සමග එක්වී පිරිසක් කටයුතු කරමින් සිටින බව…
හිටපු රාජ්‍ය අමාත්‍ය ලොහාන් රත්වත්තේ ජීවිතක්ෂයට පත්ව ඇති බව වාර්තා වේ. මිය යන විට ඔහු…
මහනුවර දිස්ත්‍රික්කයේ ප්‍රාදේශීය රෝහලක ගිලන් රථ රියැදුරකු සෞඛ්‍ය කාර්ය සහයිකාවකට ගිලන් රථයක් තුළ දී අතවර…
අද මධ්‍යම රාත්‍රියේ සිට වෙන්කළ ආසන සහිත දුම්රිය ධාවන රාජකාරීවලින් ඉවත්වීමට දුම්රිය නියාමක සංගමය ගත්…
ගැටලාව වැවේ තිබී උණ්ඩ සොයා ගැනීමේ සිද්ධියෙන් අනතුරුව සිදු කළ විශේෂ සෝදිසි මෙහෙයුමෙන් පසුව තවත්…