මීට වසර ගණනාවකට පෙර කෘෂිකර්ම අමාත්‍යාංශය මගින් ඩොලර් ඉපයීමේ අරමුණින් ගොවීන්ට හදුන්වා දී තිබූ වැල් දොඩම් වගාව හදුනා නොගත් පොකුටු රෝගයක් හේතුවෙන් විනාශ වීමේ අවදානමක් පවතින බව ගලේවෙල වැල් දොඩම් ගොවීන් පවසනවා.
ගලේවෙල – බඹරගස්වැව ප්‍රදේශයේ ගොවීන් සඳහන් කළේ සිය වගාවේ පත්‍ර, මල් සහ ගෙඩි සියල්ල වකුටු වී අස්වැන්න හීනවී ගොස් ඇති බවයි.
මේ හේතුවෙන් ඒවා විදේශ වෙළඳපොලට අලෙවි කිරීමට නොහැකිව වගා බිමේදීම විනාශ වී යන බව ගොවීන් පවසනවා.
වගාවට අවශ්‍ය තෙල් පොහොර, කෘමි නාශක සහ රෝග පාලනයට අවශ්‍ය දිලීර නාශක නොමැති වීමෙන් තමන් දැඩි දුෂ්කරතාවයට පත්ව ඇති බවයි ගොවීන් පෙන්වා දෙන්නේ.
විදේශ රටවල් රැසක ඉහල ඉල්ලුමක් ඇති වැල් දොඩම් කිලෝවකට රුපියල් 270ක් වැනි ඉහල මිලක් ලැබුණද පවතින තත්ත්වය හමුවේ එම ආදායම අහිමි ව ගොස් ඇති බවද ඔවුන් සඳහන් කළා.
