මහා පරිමාණ මුල්‍ය වංචාවක් හේතුවෙන් මේ වන විට රක්ෂිත බන්ධනාගාර ගත කර සිටින තිකෝ සමූහ ව්‍යාපාරයේ හිමිකාරිය වන තිලිණි ප්‍රියමාලිගේ නිවසේ විදුලිය ඊයේ (02) දින විසන්ධි කර තිබෙනවා.
මාස 4කට අදාළ හිඟ විදුලිබිල නොගෙවීම හේතුවෙන් මෙලෙස විදුලිය විසන්ධි කර ඇති බවයි මෙරට ජාතික පුවත්පත් වර්තාවක පෙන්වා දෙන්නේ.
ලක්ෂ හතරහමාරකට ආසන්න මුදලක් එම විදුලිබිල්පත්වලට අදාළව ඇති බව සඳහන් වනවා.
මෙලෙස විදුලිය විසන්ධි කර ඇත්තේ වත්තල ඇවරිවත්ත එඩ්වඩ් පටුමගේ පිහිටි තිලිණි ප්‍රියමාලි සහ ඇයගේ පවුලේ සාමාජිකයන් කුලී පදනම මත ජීවත්ව සිටි නිවසේ බවයි තොරතුරු වාර්තා වන්නේ.
