ගෑස් මිල ඉහළ දැමූවද, ආපනශාලාවල ආහාර මිල ගණන් වල කිසිඳු වෙනසක් සිදු නොවන බව සමස්ත ලංකා ආපනශාලා හිමියන්ගේ සංගමයේ සභාපති අසේල සම්පත් මහතා පවසනවා.
තිරිඟු පිටි ඇතුළු ආහාර ද්‍රව්‍ය වල මිල අඩු වීම නිසා ආපන ශාලා සඳහා යම් සහනයක් හිමිව ඇති බවයි ඔහු සඳහන් කළේ.
පසුගිය දිනවල ගෑස්, තිරිඟු පිටි ඇතුළු ද්‍රව්‍යවල මිල පහළයාම හේතුවෙන් ආපන ශාලාවල ආහාර ද්‍රව්‍යවල මිල පහළ දමන ලෙස ආපන ශාලා හිමියන්ගෙන් ඉල්ලීමක් කළත්, සියයට 60කට ආසන්න ප්‍රමාණයක් මිල අඩු නොකළ බවත් කොළඹදී පැවති මාධ්‍ය හමුවකදී ඔහු සඳහන් කළා.
මෙම දුෂ්කර අවස්ථාවේදී පාරිභෝගිකයන්ට සහනයක් වන අයුරින් කටයුතු කිරීමට ආපනශාලා හිමියන් කටයුතු කළ යුතු බවත් ඔහු වැඩිදුරටත් සඳහන් කළා.
47
/ 100
SEO Score
