වයස අවුරුදු තුනහමාරක පිරිමි දරුවෙකුට පහරදී නිදි යහනේදී ගෙල මිරිකා ඝාතනය කල නරුමයෙකු වන සැකකරුද ගෙලවැලලාගෙන මියගොස් ඇතැයි මීගහතැන්න පොලිසිය පවසයි .
වයස අවුරුදු තුනයි මාස හයක් වයසැති එම්.නෙතුම් සස්සර නැමති පිරිමි දරුවෙකු සහ හලෝවිට හේවගේ සචිත්ත නමැති 21 හැවිරිදි පුද්ගලයෙකු මෙසේ සියදිවි හානිකරගෙනමියගොස් ඇතැයි බව පොලිසිය කීය.
මියගොස් ඇති දරුවාගේ මව පියාගෙන් වෙන්ව ගෙලවැලලාගෙන මියගොස් ඇති පුද්ගලයා සමග එකට ජීවත්වන බවද සදහන් වේ.
ඇය අද (12) උදෑසන සිය 10 හැවිරිදි දරුවා පාසලට ඇරලවා නිවසට පැමිණෙන අතරතුර ඝාතනය සිදුව ඇති බවට මෙතෙක් කල පරීක්ෂණ වලදී තහවුරුව ඇතැයි පොලිසිය කීය.
දරුවාගේ මළසිරුර මීගහතැන්න ප්රාදේශීය රෝහලේ තැන්පත් කර ඇති අතර , පශ්චාත් මරණ පරීක්ෂණය සදහා කළුතර ශීක්ෂණ රෝහල වෙත යොමුකිරීමට නියමිත බව රෝහලේ ප්රකාශයකයෙක් පැවසීය .
මහේස්ත්රාත් පරීක්ෂණය සහ කළුතර අපරාධ ස්ථාන පරීක්ෂණාගාර නිලධාරීන් පරීක්ෂණ පැවැත්වීමට නියමිතව තිබුනි .
කළුතර ජේෂ්ඨ පොලිස් අධිකාරී කපිල ප්රේමදාස මහතාගේ උපදෙස් මත මිගහතැන්න පොලිස් ස්ථානාධිපති ප්රධාන පොලිස් පරීක්ෂක ඒ.එස්. චම්මික මහතාගේ මෙහෙයවීමෙන් අපරාධ පරීක්ෂණ නිලධාරීන් පරීක්ෂණ පවත්වති.
