මෙවර උසස් පෙළ විභාගයට පෙනී සිටීමට නියමිත තම 19 හැවිරිදි දියණිගේ අත් දෙක ගැට ගසා සිහිසුන් වන තුරු මුහුණට හා හිසට, පහරදී, බරපතළ ලෙස දූෂණයට ලක් කළ 40 හැවිරිදි පියා (10) අත්අඩංගුවට ගෙන ඇත.
දැරිය පාඩම් කරමින් සිටියදී පියා විසින් හිසරදයට ඔළුවේ තෙල් ගෑමට අඬ ගසා කාමරයට ගිය පසු එක්වරම තම මුහුණ සිඹ ඇති අතර එයට අකැමැති වූ පසුව අත් දෙක ගැට ගසා හිසට සහ මුහුණට පහර දුන් බවද දැරිය ප්‍රකාශ කල බව පොලීසිය සදහන් කරයි.
එම දැරිය බිය ගන්වා වරින් වර අවස්ථා කීපයකදී සැකකාර පියා විසින් මෙම දැරිය දූෂණයට ලක් කර ඇති බවද පොලීසිය සදහන් කරයි.
පසුව සිද්ධිය සම්බන්ධයෙන් දැරිය මවට පැවසූ අවස්ථාවේදී මව විසින් සිදු කළ පැමිණිල්ලකට අනුව සැකකාර පියා අත්අඩංගුවට ගත් බව පොලිසිය සඳහන් කරයි.
මව අසනීප තත්ත්වයෙන් පසු වූ සහෝදරයන් දෙදෙනාට වෛද්‍ය ප්‍රතිකාර ලබා ගැනීමට නිවසින් පිටව ගිය අවස්ථාවේ නිවසේ සිටි පියා විසින් තම දැරියට මෙම අපරාධය සිදු කර ඇති බව පොලිසිය සදහන් කරයි.
