ජනාධිපති රනිල් වික්‍රමසිංහගේ පෞද්ගලික නිවසට ගිනි තැබීමේ සිද්ධියට අදාළව ප්‍රකාශයක් ලබාගැනීම සඳහා සමාජ ක්‍රියාකාරීන් දෙදෙනෙකු වන අනුරුද්ධ බණ්ඩාර සහ ධානීෂ් අලී අද (27) අපරාධ පරීක්ෂණ දෙපාර්තමේන්තුව හමුවට කැඳවා තිබුණා.
ඒ අනුව අද පෙරවරුවේ ඔවුන් එම දෙපාර්තමේන්තුව වෙත පැමිණ සිටි අතර, ප්‍රකාශ ලබාදීමට පෙර ඔවුන් මාධ්‍ය වෙත මෙලෙස අදහස් දක්වා සිටියා.
ධානීෂ් අලි සහ අනුරුද්ධ බණ්ඩාර මීට පෙර පොලිසිය අත්අඩංගුවට ගත් අතර ධානීෂ් අලි නැමැත්තා රක්ෂිත බන්ධනාගාරගත කරනු ලැබුවේ අරගලය පැවති කාලසීමාවේ ජාතික රූපවාහිනියට බලහත්කාරයෙන් කඩා වැඳීමේ සිද්ධියට අදාළව යි.
