කාන්තාවන් පෞද්ගලික හෝ රජයේ විශ්වවිද්‍යාලවලට ඇතුළත් වීම තහනම් කරමින් තාලිබාන්වරුන් පැනවූ නියෝගයට එරෙහිව ඇෆ්ඝන් කාන්තාවෝ විරෝධය පළ කරති.
කාන්තාවන් ප්‍රකාශ කරන්නේ තාලිබාන් නිලධාරිනියන් තමන්ට පහර දුන් බව සහ තවත් පිරිසක් අත්අඩංගුවට ගත් බවය.
තවත් බොහෝ දෙනෙක් තහනමට එරෙහිව සිය විරෝධය සහ කෝපය පළ කළහ.
“අපි විශ්වවිද්‍යාලය ඉදිරිපිට විරෝධතාවක් පැවැත්වූවා. එතන තාලිබාන් කාන්තාවන් බොහෝ දෙනෙක් හිටියා. ඔවුන් ගැහැනු ළමයින්ට පහර දුන්නා. කීප දෙනෙක් අරගෙන ගියා,” විරෝධතාවයේ නිරත කාන්තාවක් ප්‍රකාශ කරයි.
