කුරුළු උණ පැවතීම හේතුවෙන් ඉන්දියාවෙන් සහ පාකිස්ථානයෙන් බිත්තර ආනයනය කිරීමට නිර්දේශ ලබාදිය නොහැකි බව සත්ව නිෂ්පාදන හා සෞඛ්‍ය දෙපාර්තමේන්තුවේ අධ්‍යක්ෂ ජනරාල් ආචාර්ය හේමාලි කොතලාවල පවසනවා.
ඒ අනුව බිත්තර, කුකුළු පැටව්, කුකුළු මස් හා ඒ ආශ්‍රිත නිෂ්පාදන ආනයනය කිරිමට අවසර ලබාදෙන්නේ මාස 6 කට පෙර අදාළ රටේ කුරුළු උණ නොමැති බවට තහවුරු වුවහොත් පමණක් බවයි මාධ්‍ය හමුවකට එක්වෙමින් ඇය සඳහන් කළේ.
ඔස්ට්‍රේලියාව, තායිලන්තය, මැලේසියාව, අමෙරිකාව, බ්‍රසීලය වැනි රටවල් කුරුළු උණවලින් තොරවීම නිසා එම රටවලින් ආනයනය කළ හැකි බවයි ඇය වැඩිදුරටත් සඳහන් කළේ.
67
/ 100
SEO Score
