කටුගස්තොට පොලිස් වසමේ කුඩා රත්වත්ත ප්‍රදේශයේ මහවැලි ගඟේ තිබී නාඳුනන පිරිමි මළ සිරුරක් හමුව තිබේ.
පොලිස් මාධ්‍ය ප්‍රකාශක කාර්යාලය සඳහන් කළේ, ඊයේ (25) උදෑසන කටුගස්තොට පොලීසියට මේ සම්බන්ධයෙන් ලද පණිවුඩයක් මත විමර්ශන ආරම්භ කළ බවය.
මරණකරු අවුරුදු 40ත් – 50ත් අතර පුද්ගලයෙකු බවත්, කළු ඉරි සහිත කමිසයක් හා කළු පැහැති කලිසමක් ඇඳ සිටි බවත් පොලීසිය පවසයි.
මියගිය පුද්ගලයාගේ මෘත ශරීරය මේ වනවිට මහනුවර මෘත ශරීරාගාරයේ තැන්පත් කර තිබේ.
