අන්තර් විශ්වවිද්‍යාල ශිෂ්‍යබල මණ්ඩලයේ කැඳවුම්කරු වසන්ත මුදලිගේ ට ඇප හිමිවීම හේතුවෙන් මීට සුළු මොහොතකට පෙර මුදාහැර තිබේ.
ඒ දින 167 කට පසුවයි.
පසුගිය වසරේ මැයි 19 වනදා කොටුව දුම්රියපල ඉදිරිපිට සිදුකළ විරෝධතාවකට සහ ගාලුමුවදොර පැවති අරගලභූමියට දින 50 ක් පිරීම නිමිත්තෙන් පසුගිය ජූනි 20 වනදා සිදුකළ විරෝධතාවකට ඔහුට එරෙහිව පොලීසිය නඩු පවරා තිබුණා.
එමෙන්ම, පොලිස් මූලස්ථානයට ඉදිරිපිට සිදුකළ විරෝධතාවකට අදාළව ද නඩු පවරා තිබූ අතර, එම නඩු අද කොටුව මහේස්ත්‍රාත් තිලිණ ගමගේ හමුවේ මෝසමක් මගින් කැඳවූ අවස්ථාවේදී නියෝග කෙරුණේ වසන්ත මුදලිගේට ඇප ලබාදීමටයි.
මෙහිදී සැකකරු ස්කයිප් තාක්ෂණය ඔස්සේ පෙනී සිටි අතර, මහේස්ත්‍රාත්වරයා දැනුම් දුන්නේ තවත් මෙවැනි වැරදි සිදුකළහොත් ඇප අවලංගු කරන බවයි.
එමෙන්ම ඊයේ දිනයේදී ද ඔහුට එරෙහිව ත්‍රස්තවාදි වැළැක්විමේ පනත යටතේ පවරා තිබු නඩුව විභාගයට ගත් අතර, ඊට අදාළව ද ඔහුට නිදහස හිමි වුණා.
