නවසිලන්තය සමඟ තරග දෙකකින් සමන්විත ටෙස්ට් ක්‍රිකට් තරගාවලිය සඳහා සහභාගී වන 19 දෙනෙකුගෙන් සමන්විත ශ්‍රී ලංකා ටෙස්ට් සංචිතය මේ වනවිට ක්‍රීඩා අමාත්‍යවරයාගේ අනුමැතිය හිමි වී තිබෙනවා.
කෙසේ වෙතත් පිටකොන්දේ ආබාධයකට ගොදුරුව සිටින ශ්‍රී ලංකා නිත්‍ය ආරම්භක පිතිකරු පැතුම් නිස්සංකට නවසීලන්තය සංචාරය අහිමි වී තිබෙනවා.
එමෙන්ම එංගලන්ත ලයන්ස් කණ්ඩායම සමග පැවැති ටෙස්ට් තරගාවලියේදී දස්කම් දැක් වු නිශාන් මදුෂ්ක සහ වේග පන්දු යවන ක්‍රීඩක මිලාන් රත්නායක ශ්‍රී ලංකා ටෙස්ට් සංචිත සදහා කැදවන්නට තේරීම් කමිටුව විසින් කටයුතු කර තිබීමත් තිබිම කැපී පෙනෙනවා.
ටෙස්ට් කණ්ඩායමේ නායකත්වය සුපුරුදු පරිදි දිමුත් කරුණාරත්නට හිමි වී තිබෙන අතර නම් කල ශ්‍රී ලංකා ටෙස්ට් සංචිතය වන්නේ,
- දිමුත් කරුණාරත්න
- ඕෂද ප්‍රනාන්දු,
- කුසල් මෙන්ඩිස්,
- ඇන්ජලෝ මැතිව්ස්,
- ධනංජය ද සිල්වා,
- දිනේෂ් චන්දිමාල්,
- කමිඳු මෙන්ඩිස්,
- නිරෝෂන් දික්වැල්ල,
- නිශාන් මදුෂ්ක,
- රමේෂ් මෙන්ඩිස්,
- ප්‍රභාත් ජයසුරිය,
- චාමික කරුණාරත්න,
- කසුන් රාජිත,
- ලහිරු කුමාර,
- අසිත ප්‍රනාන්දු,
- විශ්ව ප්‍රනාන්දු,
- මිලාන් රත්නායක,
- ප්‍රවීන් ජයවික්‍රම
- ලසිත් ඇඹුල්දෙනියයි.
ඒ අතුරින් ප්‍රවීන් ජයවික්‍රම සහ ලසිත් ඇඹුල්දෙනිය අතරින් එක් අයකු සංචිතය සදහා එක් කිරීමට නියමිත බවයි වාර්තා වන්නේ.
මෙම ක්‍රීඩකයින් 19 දෙනා නුවරඑළිය ආසන්නයේ පිහිටා තිබෙන රදැල්ල ක්‍රීඩාංගනයේදී නවසීලන්ත තරග සංචාරයට පෙර විශේෂ පුහුණු කදවුරකට සහභාගීවීමට නියමිතයි.
ශ්‍රී ලංකා – නවසීලන්ත පළමු ටෙස්ට් ක්‍රිකට් තරගය ලබන මාර්තු මස 9 වැනිදා ආරම්භ වන්නේ නවසීලන්තයේ ක්‍රයිස්චර්ච්හිදීයි.
