අද (14) දිනය තුළ තම දරුවා සම්බන්ධයෙන් වැඩි අවදානයකින් කටයුතු කරන ලෙස පොලිසිය දෙමව්පියන් වෙත දැනුම් දෙනවා.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව සඳහන් කළේ බාලවයස්කාර දරුවන් අද දිනයේ දී ඇතැම් නුසුදුසු ක්‍රියාකාරකම් වලට යොමුවන තත්ත්වයක් නිරීක්ෂණය වන බවයි.
ඒ, අනුව තම දරුවා සම්බන්ධයෙන් දෙමව්පියන් සහ වැඩිහිටියන් අවධානය යොමු කිරීම තුළින් මෙම තත්ත්වය පාලනය කරගත හැකි බවයි ඔහු වැඩිදුරටත් සඳහන් කර සිටියේ.
මේ අතර අද (14) දිනට තුළ සංවිධානවන සාද සහ උත්සව සම්බන්ධයෙන් ද පොලිසිය දැඩි අවදානයෙන් සිටින බව ද පොලිස් මාධ්‍ය ප්‍රකාශකවරයා පැවසුවා.
එලෙස සංවිධානය කරනු ලබන සාද සහ උත්සවවල මත්ද්‍රව්‍ය භාවිත වීමේ ප්‍රවණතාවක් පවතී ද යන්න මෙලෙස පොලිස් නිලධාරීන් විසින් නිරීක්ෂණය කරන බව ඔහු සඳහන් කර සිටියා.
