තැපැල් ඡන්ද පත්‍රිකා මුද්‍රණ කටයුතුවල ප්‍රමාදයක් නිසා, හෙට දිනයේදී ඒවා බෙදාහැරීමක් සිදු නොවන බව, මැතිවරණ කොමිසම පක්ෂ ලේකම්වරුන් සමඟ පැවති සාකච්ඡාවේදී දැනුම් දී තිබෙනවා.
මැතිවරණයට තරග කරන දේශපාලන පක්ෂවල මහලේකම්වරුන්ගේ ප්‍රධානත්වයෙන් අද මෙම සාකච්ඡාව පැවැත්වුණා.
ශ්‍රී ලංකා පොදුජන පෙරමුණේ මහ ලේකම් පාර්ලිමේන්තු මන්ත්‍රී සාගර කාරියවසම් ඒ පිළිබඳව මෙසේ අදහස් දක්වා තිබුණා.
ප්‍රශ්නය – ඡන්දය සම්බන්ධයෙන් නිශ්චිතයක් නැද්ද?
“තැපැල් ඡන්ද පත්‍රියා බෙදාහරින බව අපට කලින් දැනුම් දී තිබුණා. නමුත් මේ සාකච්ඡාවේදී අද කිව්වා මේ තැපැල් ඡන්ද පත්‍රිකා හෙට දිනයේ බෙදාහැරීම් සිදුකරන්න බෑ කියලා.”
ප්‍රශ්නය – ඒ කියන්නේ වෙන දිනයක් දුන්නෙත් නැද්ද?
“ඒක මැතිවරණ කොමිෂන් සභාව කතා කරලා තීරණය කරයි. පැහැදිලිව විස්තර කරලා කිව්වා රජයේ මුද්‍රණාලයෙන් කිව්වා කියලා මේ සම්බන්ධයෙන් අවශ්‍ය මුදල් නැතුව එය සිදුකරන්න බෑ කියලා.”
2023 පළාත් පාලන මැතිවරණයට අදාළ තැපැල් ඡන්ද ප්‍රකාශ කිරීම සඳහා පෙබරවාරි 22, 23 සහ 24 දිනයන් වෙන් කර තිබේ.
