66%ක විදුලි ගාස්තු ඉහළ නැංවීමට ශ්‍රී ලංකා මහජන උපයෝගිතා කොමිෂන් සභාවේ අනුමැතිය ලැබුණු බැවින් බ්‍රහස්පතින්දා (16) සිට විදුලිය විසන්ධි කිරීමක් සිදු නොකරන බව විදුලිබල හා බලශක්ති අමාත්‍යාංශය පවසනවා.
විදුලි බිල පියවා ගැනීමට නොහැකිව සිටින පිරිස් සම්බන්ධයෙන් ඉදිරියේදී තීරණයකට එළැඹීමට නියමිත බවයි විදුලිබල හා බලශක්ති අමාත්‍යාංශයේ ආරංචි මාර්ග පැවසුවේ.
බදාදා (15) සිට ක්‍රියාත්මක වන පරිදි විදුලි ගාස්තු සියයට 66 කින් ඉහළ නැංවීමට මහජන උපයෝගිතා කොමිෂන් සභාව අනුමැතිය ලබා දී තිබුණා.
ඒ කොමිසමේ සභාපති ජනක රත්නායක හැර මහජන උපයෝගිතා කොමිසමේ සාමාජිකයින් තිදෙනාගේ එකඟතාවය මතයි.
මෙම යෝජනාවට අනුව ලංකා විදුලිබල මණ්ඩලයට අමතර රුපියල් බිලියන 287ක ආදායමක් උපයා ගැනීම අපේක්ෂා කෙරෙන බවයි වාර්තා වන්නේ.
59
/ 100
SEO Score
