මානසික ආතතිය සඳහා වන ඖෂධ අධි මාත්‍රාවක් ශරීරගතවීම හේතුවෙන් පේරාදෙණිය විශ්වවිද්‍යාලයේ ඉංජිනේරු පීඨයේ සිව්වන වසරේ සිසුවියක් මිය ගොස් තිබේ..
මෙසේ මියගොස් ඇත්තේ විනෝදි සිල්වා නැමැති කුරුණෑගල මලියදේව බාලිකා විද්‍යාලයේ ආදි සිසුවියකි. ඇය කලක පටන් මානසික ආතති තත්ත්වයක් සඳහා ප්‍රතිකාර ලබාගෙන තිබෙන බව පරීක්ෂණ මගින් අනාවරණය වී තිබේ.
ඇය සිය රෝගී තත්ත්වය ටලබා ගන්නා ඖෂධ අධි මාත්‍රාවක් ලබා ගැනීම හේතුවෙන් මියගොස් ඇත.
මෙම සිසුවිය විශ්වවිද්‍යාල නේවාසිකාගාරය තුළ සිහිසුන්ව සිටියදී ඇය සමඟ කාමරයේ එකට සිටි තවත් සිසුවියන් දෙදෙනෙකු පෙරේදා (28) රාත්‍රී 10.00 ට පමණ ඒ පිළිබඳව විශ්වවිද්‍යාල පාලනාධිකාරිය දැනුවත් කර තිබේ.
විශ්වවිද්‍යාල වෛද්‍ය ප්‍රතිකාර ඒකකයට රැගෙන යෑමෙන් අනතුරුව ගිලන් රථයකින් ඇයව පේරාදෙණිය ශික්ෂණ රෝහලට ඇතුළත් කර තිබෙන අතර එහි දී ඇය මියගොස් තිබෙන බව පේරාදෙණිය විශ්වවිද්‍යාලයේ නියෝජ්‍ය උපකුලපති මහාචාර්ය ටෙරන්ස් මදුජිත් කීය
