ප්‍රාදේශීය සභා මැතිවරණය මාර්තු 19 හෝ ඊට පෙර පවත්වන ලෙස ඉල්ලා ප්‍රධාන විරුද්ධ පක්ෂවන සමගි ජන බලවේගය, ජාතික ජන බලවේගය, දෙමළ ජාතික සන්ධානය, ශ්‍රී ලංකා නිදහස් පක්ෂය, දෙමළ ප්‍රගතිශීලී සන්ධානය, ශ්‍රී ලංකා මුස්ලිම් කොංග්‍රස, සමස්ත ලංකා මක්කල් කොංග්‍රසය මැතිවරණ කොමිසම වෙත ලිඛිතව දන්වා තිබේ
මේ ලිපියේ පිටපතක් ද සහිතව දෙමළ ජාතික සන්ධානයේ මාධ්‍ය ප්‍රකාශක පාර්ලිමේන්තු මන්ත්‍රී ජනාධිපති නීතිඥ එම්.සුමන්දිරන් ට්විටර් පණිවිඩයක් නිකුත් කරමින් පවසා ඇත්තේ ශ්‍රේෂ්ඨාධිකරණය විසින් මැතිවරණය පැවැත්වීමට ඇති එකම බාධාව ඉවත් කර ඇති බැවින් 2023 මාර්තු 19 හො ඊට පෙර මැතිවරණය පැවැත්වීම අත්‍යවශ්‍ය වගකීමක් බවය.
“ ඒ පිළිබඳ මැතිවරණ කොමිසම විසින් මුදල් අමාත්‍යාංශ ලේකම්වරයා හෝ වෙනත් කිසිවෙක් විමසීමට කිසිම හේතුවක් අපට පෙනෙන්නේ නැත.” සුමන්තිරන් මන්ත්‍රීවරයා වැඩිදුරටත් එම ට්විටර් පණිවිඩයේ දක්වා තිබේ.
