පොලිස්පති සී. ඩී. වික්‍රමරත්න මහතාට ශ්‍රේෂ්ඨාධිකරණය හමුවේ පෙනී සිටින ලෙස නියෝගයක් නිකුත් කර තිබෙනවා.
ඒ පොලිස් අත්අඩංගුවට පසුවන සැකකරුවන් විවිධ විමර්ශනවලට පිටතට රැගෙන අවස්ථාවල වෙඩි තබා මරණයට පත්වීමේ සිද්ධීන් වැළැක්වීම සඳහා මාර්ගෝපදේශ මාලාවක් සකස් කර අධිකරණයට ඉදිරිපත් කරන ලෙස දුන් නියෝගයක් ක්‍රියාත්මක නොකිරීම හේතුවෙනි.
ලබන මස 03 වනදා අධිකරණය හමුවේ පෙනී සිට කරුණු දක්වන ලෙස ශ්‍රේෂ්ඨාධිකරණය පොලිස්පතිවරයාට නියෝග කර ඇති බවයි වාර්තා වන්නේ.
ශ්‍රේෂ්ඨාධිකරණ විනිසුරු මඩුල්ල වන එස්.තුරෙයි රාජා, ඒ.එච්.එම්.ඩී නවාස් සහ අචල වෙංගප්පුලි යන ත්‍රිපුද්ගල විනිසුරු මඩුල්ල විසින් මෙම නියෝගය ඊයේ (24) නිකුත් කළා.
