ඛනිජ තෙල් නීතිගත සංස්ථාවේ හා ඛනිජ තෙල් බෙදා හරින සීපීඑස්පීඑල් සමාගමේ සේවකයින්ට හා තෙල් බෙදා හැරීමේ කටයුතුවලට බාධා කරන යම් වෘත්තීය සමිති ක්‍රියාකාරිකයෙකු හෝ සේවකයන් වේ නම් ඔවුන් සේවයෙන් ඉවත් කිරීමට හා නීතිමය පියවර ගැනීමට සලකා බැලීම සඳහා අවශ්‍ය විනය පියවර ගන්නා ලෙස තමන් අදාළ ආයතන සභාපතිවරුන්ට උපදෙස් දුන් බව විදුලි බල හා බලශක්ති අමාත්‍ය කංචන විජේසේකර පවසයි.
ඛනිජ තෙල් වෘත්තිය සමිති එකමුතුව ඊයේ සිට සිදුකරන අඛණ්ඩ සත්‍යග්‍රහය හා වෘත්තීය ක්‍රියා මාර්ග සම්බන්ධයෙන් ප්‍රතිචාර දක්වා ට්විටර් ගිණුමේ සටහනක් තබමින් ඔහු මේ බව සඳහන් කළේය.
ඛනිජ තෙල් වෘත්තීය සමිති එකමුතුව අඛණ්ඩ සත්‍යග්‍රහයක් ආරම්භ කළේ ඛනිජ තෙල් නීතිගත සංස්ථාවේ කොටස් විකිණීමට ගත් තීරණයට එරෙහිව වෙමිනි.මෙම සත්‍යග්‍රහය දෙවන දිනයටත අද දින ක්‍රියාත්මක වූ අතර රජය මෙම යෝජනාව හකුලා නොගතහොත් සිය ක්‍රියා මාර්ග දැඩි කරන බවට තර්ජනය කර තිබිණි
