හැමිල්ටන් රිසර්ව් බැංකුව ගෙන ආ නඩුවක් නිෂ්ප්‍රභ කරන්නැයි ශ්‍රී ලංකා රජය ඉදිරිපත් කළ මෝසම එක්සත් ජනපදයේ දිස්ත්‍රික් අධිකරණයක් ප්‍රතික්ෂේප කර තිබෙනවා.
අධිකරණය ලබාදුන් එම තීන්දුවට අනුව ශ්‍රී ලංකා රජය අදාල මුදල ගෙවිය යුතු ද යන්න තීරණය කිරීමට අදාල නඩුව තවදුරටත් ඉදිරියට පවත්වාගෙන යාමට නියමිත බවයි සඳහන් වන්නේ.
ඩොලර් මිලියන 257 කට වැඩි බැඳුම්කර සහ පොලී මුදලක්, පැහැරහැරීමක් සම්බන්ධව හැමිල්ටන් රිසර්ව් බැංකුව විසින් මෙම නඩුව ගොනු කර තිබෙන බවට වාර්තා වෙනවා.
මේ අතර විදෙස් අධිකරණයක් ණය සම්බන්ධ නඩුවකදී, ශ්‍රී ලංකාවට එරෙහිව තීරණයක් ගතහොත්, මෙරට විදෙස් වත්කම් අත්පත් කර ගැනීමේ අවධානමක් ද උද්ගත විය හැකි බව විද්වතුන් පෙන්වා දෙනවා.
2012 වසරේ දී ආර්ජන්ටිනාවට අයත් නෞකාවක් ගානා වරායකදී අත්පත් කර ගැනීමේ සිදුවීම ඊට උදාරණයක් බවත් අම‍ෙරිකානු ආයතයක්, ආර්ජන්ටිනාව ණය පැහැරහැරීමක් සම්බන්ධයෙන් ගානා උසාවියකදී ගොනු කළ නඩු තීන්දුවකට අදාලව මෙම අත්පත් කර ගැනීම සිදුව තිබුණා.
